(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

البارت ٢٢

تنهد نواف من سيره العزيمه هذي وقال: بعد بكره بنمشي للرياض بالسياره لان تركي بيكون معنا بالخط  فبتشيل سيارته العفش وانتو بتكونون معي، فزت من سمعت طاري تركي وبدون شعور ارتسمت على وجهها ابتسامه صغيره، حست عليها اختها وقالت لها بهمس: وش عندك تتبوسمين هااه؟؟ ارتبكت وقالت: اااا ولا شي بسم الله بس مبسوطه انو بنرجع للرياض وللجامعه اشتقت للبنات كلهم،......: اشتقتي للبنات ولا لحبيب القلب تريك؟ تلون وجه تولين وقالت بهمس ممزوج بغضب: أقول اهجدي يا لين عيب هذا ولد عمي وثانيا اسمه تركييي تركي مو تريك وتعرفين انو ما يحب احد يناديه بذا الاسم، ابستمت لين بخبث وقالت: ترييييك ترووك تريكان وش عليك انتي من اسمه ولا عشاانك تحبينه تغارين احد يدلعه غيرك وغمزت لها، تولين ضربت لين بالخفيف وقالت: قليلة ادب ، ناظرو للي لها ساعه تناظر لهم والي كانت امهم وقالت باستغراب: وش عندك انتي وهي تتهامسون؟ ضحكت لين وقالت: ولا شي يمه بس قاعده تولين تقول انها مشتاقه للجامعه ولصحباتها ، وابتسمت وناظرت لتولين الي تناظرها بنظرات شكر انها ما فضحتها عند أهلها، ورجعو يكملون اكلهم بهدوء بس قاطع هدوؤهم ملاك وهي تقول: ممكن ترجعوني لبيتي؟ استغرب الكل منها ومن كلامها هذا تكلمت ام نواف وهي تقول: يا بنتي وش فيك لا يكون مو مرتاحه معنا وبينا؟ تكلمت ملاك بسرعه: لالا يا خالتي ما قصدي كذا، تنهدت وقالت: ما قصدي انو مو مرتاحه بالعكس وانتو فهمتوني غلط بما انو بنرجع للرياض وما ادري متى بارجع هنا من جديد ابي اجيب شي من البيت نسيته وهو شي مره مهم بالنسبه لي، تنهد الكل بارتياح ، نواف: طيب وتعرفين وين هو بيتكم باي حي؟ هزت راسها وهي تقول: أي بحي ال.......... ، استغرب نواف لانو يعرف ان هذا الحي ماريعيش فيه الا الي يعتبرون فقراء وحالتهم الماديه مررره قليله، على انها قالت له حكاياتها الا انها ما جابت طاري بيتها او وين تسكن، تكلم وقال: تمام تبين نروح الحين؟، ملاك: ايه يا ليت، هز نواف راسه وناظر ساره وقال: اطلعو البسو عباياتكم يالله انتظركم بالسياره انا، راحت ساره وجابت عباياتهم وراحو وركبو السياره معه وقبل لا يتحرك نواف انفتح باب السياره وحصل لين وتولين راكبين ورا مع ملاك ، رفع حاجبه وقال: وش عنكم جايين؟ تكلمت لين بادب وببرائه: نبي نروح معكم عشان نساعد ملاك ، وابتسمت ابتسامه تدل على البراءة، تنهد نواف وهو عارف اخته عنيده ولو قاعد يجادلها ما بتسكت فسكت وحرك متجهين لبيت ملاك، بعد ساعه وصلو للحي وهنا البنات انصدمو من شكل الحي، بيوت قديمه وبعضها الي فيها أجزاء مكسوره او طايحه والبيوت صغيره مره استغربو ان ملاك كانت عايشه هنا، تكلم نواف: طيب والحين شلون نعرف بيتكم عليه لوحه او شي ؟ ملاك: لا بس اسال أي شخص وقول له وين بيت خالد ال...... وبيقولون لك ، حرك السياره وحصل رجال كبير بالسن جالس ع كرسي برا محل وكان محل حق خبز ومعجنات نواف: مساء الخير يا عمي بس بغيت اسالك تعرف وين بيت خالد ال.......؟، الرجال: مساء النور أي يا ولدي اعرف بس راعي البيت ماهو موجود ولا احد يعرف وينه فجاه اختفى هو وبنته، تكلم نواف: أي ما ابي الرجال بس ابي البيت لان فيه أغراض لي وابي اخذها، الرجال بنيه طيبه: اذا على كذا البيت من هناك(وبدا يوصف له الطريق وشكل الي من برا) بعد م خلص ووصل قال: وصلنا، بدو ينزلون والبنات انصدمو من؟؟؟؟؟؟؟؟؟؟؟

ليه كانو منصدمين واي رح يشوفون في بيت ملاك؟

لاتنسون التصويت🦋