(أنْتَ تُهْمِلْ وَغَيْرُكَ يَهْتَمْ ... وَالقَلْبُ يَا سَيدِي مَيالْ)

البارت ٢٦

يوم السفره......

كانت نايمه بامان الله بس انزعجت من هواش ساره ولين الي عندها ، لين:يختي وش المشكله اذا اعطيتيني النظاره حقتك يختي خذي الثانيه انتي ، ساره: انتي قلتيها بلسانك حقتي مو حقتك وطبعا لا انتي ما يقعد الشي بين يدينك 5 دقايق الا يصير ينكسر او يخرب ،لين: يختي ترا كلها نظاره عادي، سارة: تؤتؤتؤ ( هذي كلمه اقولها بمعنى لا بس عشان انرفز الشخص الي اكلمه هههه) حبيبتي ما صدقت احصل لي نظاره حلوه تجين تاخذينها حلم ابليس بالجنه، وبقو على ذا الحاله يتهاوشون الين سكتو من سمعو ملاك تصرخ وهي تقول: خلااااااااااااااص انتي وياها من صباح الله وانتو تتهاوشون ولا على ايش على نظاره ليته على شي يسوا ، كملت وهي تاشر عليهم: انتي انقلعي برا ما بتعطيك نظارتك وانت خلاص اعقلي عطيها وحتى ولو كسرتها اشتري غيرها عادي، عم السكوت للحظات وفجاة صارو ثنتيناهم طايحات بالأرض يضحكون ، استوعبت ملاك الي صار وانها كانت مو بوعيها وانها صارخت عليهم وقعدت تاشر عليهم وهي متاكدة مليون بالميه انها ما كانت تاشر عليهم وكانت تاشر على أشياء ثانيه ، تكلمت وهي متفشله: خلاص انتي وهي ضحك ويالله قومو نلبس ونفطر عشان نمشي ورانا مشوار طويل بالسياره ، قامت كل وحده تخلص امورهم ويتجهزون ..تسريع للاحداث، وصل تركي عندهم وسلم عليهم وعلى ملاك بالبدايه ما عرفته ملاك بس يوم قالها انا الي كنت معك انتي ونواف يوم الحادث تذكرته وشكرته لانها ساعدها ،
وجاء الوقت الي بيركبون السياره وبعد مناقشتا ومهاوشات صار الترتيب : بسياره نواف نواف الي يسوق وجنبه امه وورا ملاك وتولين ، بسيارة تركي تركي الي يسوق وجنبه ساره وورا لين وكانت سيارته الي شايل الشنط والعفش كله بعد ما توزعو وركبو حركو الى الرياض، بعد حوالي ساعه من يوم مشو تكلمت لين بملل: هففففف ليش جيت معكم كنت ابي مع ملاك، ضحك تركي وقال: افاااااااااا يعني مو مبسوطه معي ههههه ، لين: ايه والله يا ولد العم ملل ملل لو قعدت مع ملاك وناسه ، وقعدت تزعجهم وتتكلم بصوت عالي عشان يتنرفزون ويخلونها مع ملاك ويخلون تولين مع تركي (نرجع بالوقت لقبل السفره ب 8 ساعات)