အခန်း ၁၆၈ : ချန်ရှင်းတော့ လမ်းမှားရောက်နေပြီထင်တယ်
ယဲ့ချိုးပိုင်၏စကားကိုကြားလိုက်ရပြီးနောက် လူတိုင်း ကောင်းကင်ထက်ကိုကြည့်လိုက်ကြ၏။
ပုံရိပ်နှစ်ခုကား အပြင်းနှင်လာလေသည်။
အနီရောင်ဝတ်စုံဝတ်ဆင်ထားသော အမျိုးသားနှင့်အမျိုးသမီးတို့နှစ်ဦးဖြစ်၏။ သူတို့နှစ်ယောက်၏မျက်နှာမှာ လှပသိမ်မွေ့ပြီး မျက်ဝန်းထဲတွင်လည်း သူရဲကောင်းအငွေ့အသက်များရှိနေချေသည်။
အမျိုးသမီးက စစ်မြေပြင်ထက်ရှိစစ်နတ်ဘုရားမအလား...။ အမျိုးသားကမူ စာအုပ်တောင်းတစ်ခုသယ်ဆောင်ထားပြီး စာပေပညာရှင်တစ်ဦးနှင့်တူလှသည်။ သူတို့မှာ ဟုန်ရင်နှင့်နင်းချန်ရှန်းပေတည်း။
ယဲ့ချိုးပိုင်ကရှေ့တိုးသွားလိုက်ပြီးပြုံးလိုက်မိသည်။
"မင်းတို့ဒီကိုဘာလို့ရောက်လာတာလဲ"
နင်းချန်ရှင်းက ညင်သာစွာပြုံး၍ပြောလေသည်။
"အခြေအနေသိပ်မကောင်းဘူးလို့ကြားလို့ လာကူညီပေးတာ"
ဟုန်ရင်ကလည်းဝင်ပြော၏။
"ကျွန်မက စုံစမ်းစရာလေးတစ်ခုရှိလို့"
ယဲ့ချိုးပိုင် ခေါင်းညိတ်လိုက်သည်။
"မင်းတို့ တကယ်ကိုအကူအညီဖြစ်ပါတယ်။ တိုက်ဆိုင်ချင်တော့ အခုလက်ရှိ မြောက်ပိုင်းမဟာမိတ်အဖွဲ့ရဲ့အင်အားက မလုံလောက်ဘူး"
သူတို့ပြောဆိုနေသောစကားများအရ ထိုလူသုံးယောက်မှာ ဂိုဏ်းတူတပည့်ရောင်းရင်းများဖြစ်ကြောင်း သိလိုက်ရသည်။
ယဲ့ချိုးပိုင်မှာ အစွမ်းထက်လှသည်ဖြစ်ရာ သူ့ဆရာတူညီလေးညီမလေးများကလည်း အားနည်းနိုင်ဖွယ်ရာမရှိ။
သို့သော် လူတိုင်းကိုသိချင်စိတ်ဖြစ်စေသောအရာမှာ သူတို့၏ဆရာသခင်ဖြစ်သည်။
ဝူဒီရှီကလည်း ရှေ့ကိုအပြုံးလေးဖြင့်လျှောက်လာပြီး စကားဆိုလိုက်သည်။
"အကူအညီပေးတဲ့အတွက်ကျေးဇူးတင်ပါတယ်"
"ဒါပေမဲ့ အချိန်ကအရမ်းအရေးကြီးနေလို့ တန်ပြန်တိုက်စစ်အကြောင်းဆွေးနွေးကြရအောင်"
YOU ARE READING
ငါ့တပည့်တွေက ဘုရင်တွေ
AçãoAdmin ဆီက ခွင့်ပြုချက်မရသေးပါဘူး free တင်တဲ့ အတိုင်း တင်ပေးပါ့မယ် admin တွေ လာပြောရင် ဖျက်ပေးပါမယ်။ Start date -21•4•2024(Sunday) End date-10•1•2025(friday)
