နိုဗယ်ထဲရောက်သွားတယ်

ဇာတ်လမ်းအကျဉ်း

ချင်လင်လင်သည် သူ နိုးထလာပြီးနောက် သူ့ကိုယ့်သူ စာအုပ်တွင်းသို့ ကူးပြောင်းသွားပြီး၊ ခင်ပွန်းဖြစ်သူက သေဆုံးသွားကာ သူ့အားဂရုမစိုက်သော ဖခင်နှင့် သူ့အား မချစ်ခင်သော မိထွေးတို့ရှိသည့် အမျိုးသမီးပညာတတ်လူငယ်တစ်ယောက် ဖြစ်လာကြောင်း သိရှိလိုက်ရသည်။

သို့သော်ငြားလည်း သေဆုံးသွားပြီဖြစ်သည့် သူ့ခင်ပွန်းက ဘယ်လိုကြောင့် အသက်ရှင်နေရသေးကြောင့် ဘယ်သူက ရှင်းပြနိုင်မည်နည်း။ ထို့အပြင် ထိုသူက ဘဝတွင် လမ်းမှားလျှောက်နေမိသည့် မိန်းမငယ်လေးကို ကယ်တင်နေရသလို အကြည့်မျိုးဖြင့် အဘယ်ကြောင့် သူ့အားကြည့်နေရပါသေးသနည်း။

-*-

ကုကျန်းဟာ ဘေးအန္တရာယ်ကယ်ဆယ်ရေးစခန်းမှ ပြန်လာပြီးနောက် ‘အနာဂတ်တွင် သူ့ဇနီးက ဗီလိန်ဖြစ်သွားခြင်းမှကာကွယ်ရန်’ဟူသည့် ရည်ရွယ်ချက်တစ်ခုသာ သူ့ထံတွင်ရှိလေသည်။ သို့သော် သူ့ဇနီးက ဘာကြောင့်များ သူမျှော်လင့်ထားသည်နှင့် လုံးဝတူညီမှုမရှိရပါသနည်း။ နူးညံ့သိမ်မွေ့ပြီး ကြင်နာတတ်လိုက်ပုံများဆိုသည်မှာ အနာဂတ်တွင် သူ့ဇနီးက မည်ကဲ့သို့ဖြစ်လာပါစေ အစွမ်းကုန် အလိုလိုက် အကြိုက်ဆောင်ပေးချင်စရာပါပေ။

_***_

ဒီဘာသာပြန်သူမှာ ပြောစရာရှိပါတယ်။

ကျွန်တော်က ဒီဝတ္ထုကိုဘာသာပြန်တဲ့အခါ မူရင်းsite ကမဟုတ်ဘဲ အခြားသောနေရာကနေ ယူပါတယ်။ ဒါကြောင့် မူရင်းနဲ့ ကွဲလွဲခြားနားနေသည်များရှိခဲ့ရင် ဒီဘာသာပြန်သူရဲ့ လိုအပ်ချက်သာဖြစ်ပါတယ်။

နောက်တစ်ချက်က ကျွန်တော်ဘာသာပြန်တဲ့အခါ တတိယနာမ်စားကို (သူ) တစ်ခုပဲ သုံးပါမယ်။ အင်္ဂလိပ်မှာ He နဲ့ She၊ တရုတ်မှာ 他 နဲ့ 她 ဆိုပြီး မူရင်းဘာသာစကားအရကို ခွဲခြားမှုရှိပေမဲ့ ကျွန်တော်တို့မြန်မာဘာသာမှာတော့ အမျိုးသားဖြစ်စေ၊ အမျိုးသမီးဖြစ်စေ တရားဝင် တတိယနာမ်စားက (သူ) သာဖြစ်ပါတယ်။