කොල්ලෙක් කුලියට දීමට ඇත. ( complete ) +18

I'm

"මොකද අයිසෙ ඔය කැඳ බීලා වගේ ! හයියෙන් ගහපන්කො පුතා...."

"ඕයි සිරිමත්, මොකද ඔය අල්ල අල්ල ඉන්නෙ..... දාපන් ඉක්මණට...."

"අයියෝ..... අර බලපන්කො ඉතින්, ඔය කවර් එක හරියට දාගනින් බන්..... හොඳ බෝලයක් එහෙම වැදුනොත් සදා සොත්තිනේ පුතා...."

අදත් යාදව් සර් සුපුරුදු පරිදි පිට්ටනිය මැද කොල්ලො රන්චුව එක්ක ඔට්ටු වෙන ගමන් බෝල පිති හරඹ කරන්න. කණ්ඩායමේ කොල්ලො දෙතුන් දෙනෙක් ලඟකදි ඉඳලා නුරුස්සන ගතියක් තියෙන බවත් යාදව්ට නොදැනුනාම නෙවෙයි.

"ජනිදෝ.... ගිහින් ව්වේකාගාරයෙන් මගේ වතුර එක අරන් වරෙන්කෝ."

රෙජිස්ටරේ මාක් කරන ගමන් උන්නු යාදව් සර් එහෙම කිව්වෙ ලඟ ඉඳපු ජනිඳුට.

"මට බෑ....."

"ඈ ?"

අත් දෙකත් පපුවට තියලා බැඳගෙන උන්නු ජනිඳු බෑ කිව්වෙ කටත් ඇද කරගෙන වෙනකොට යාදව් ජනිඳු දිහා බැලුවෙ ඊටත් වඩා කැතට කටත් ඇද කරගෙන. 

"කාලෙකට පස්සෙ අර ඉස්කෝලෙ ඇවිත් ඉන්නෙ ! අභීට කියලම ගෙන්නගන්න සර්....."

නාටක කාමරේ පැත්තට ඔරවන ගමන් ජනිඳු එහෙම කිව්වෙ යාදව් සර් ඇස් දෙකත් ලොකු කරගෙන පොර දිහා බලනකොට.

"සිරාවට ! අභී ඉස්කෝලෙ ඇවිත්ද ?"

යාදව් සර් ඇහුවෙ නාටක කාමරේ දිහා ඉස්සිලත් බලන ගමන්.

"ආන්න දැක්කද.... මම කිව්වෙ බං උඹලට යාදව් සර් එහෙම නෑ ! සර් දන්නෙවත් නෑනෙ අද අරයා ඇවිත් කියලා."

එහැ පැත්තෙ උන්නු වයිස් කැපාට ජනිඳු එහෙම කිව්වෙ වැලමිටෙන් පපුවට ඇන ඇන.

"ඔව්.... ඔව්... පුතාලා හරි. මම එහෙම නෑ...."

රෙජිස්ටරේ සිහියෙන් උන්නු යාදව් කිව්වා.

"ආ....... අපිට බිග් මැච් එකට...... ඕයි.... ඕයි... ඕයි...."

යමක් කියන්න ඔලුව උස්සපු යාදව්ගෙ තරහා ඇවිස්සුනෙ පිට පිට පස්වෙනි දවසෙත් එක කොලුවෙක් උඩ පන්දුවක් බලාන ඉන්දැද්දි අතාරිනකොට. පලවෙනි දෙවෙනි දවස් වල අතිශය කාරුණිකව කියලා දුන්නත් ආයෙ ආයෙත් එකම වැරැද්ද කරපු හන්දා පහුගිය දවස් ටිකේම කොල්ලා බැනුන් අහලයි උන්නෙ යාදව් සර්ගෙන්.