لو درينا عن هوانا وش مصيره..كان قبل الحب صلينا استخاره .

البارت ٤٢

خالتي أم فهد أنا عرفت انك مع ولدك فهد وجيت ابي اتكلم قدامه عشان اوضح رأي ولفت لفهد اللي معطيها ظهره أنت يا فهد ولد خالتي ورجال والنعم فيك وما فيك شي ينعاب والله اللي مثلك ما ينرد مير إن الزواج نصيب واختيار من الله وانا صليت وارتحت لماجد ولد عمي وما ظنتي بتكره لماجد واكيد انك تحب له مثل ما تحب لنفسك يا خوي  وغمضت عيونها ونطقت  ايه أنا اعتبرك أخ ومعزتك من معزة حسين أخوي والله يوفقك وتلاقي بنت الحلال اللي تتمناها وطلعت بسرعه تجري لغرفتها مرره وحده وسكرت على نفسها الباب وتشهق بكل صوتها أنا الغبيه اللي فكرت أنه يحبني أنا ليه طيب ليه ليه احبه لسنين وما شافني ولا شاف حبي ليه ما حبني ولا جرب يلتفت لي اااااااااخ يا رب وغرست وجهها بالسرير تشهق وتكتم بكاها وصوتها

أما بالنسبة لفهد فكأنه جبل وانزاح عن صدره وهو أكثر ما كان زاعجه أنها أخت حسين أغلى اخوياه وشلون لو وصله الكلام وهو يدري أنه يحب وحده ثانية وش بيقول عنه يلعب ببنات الناس ولا يقدر يرفضها لأنها اخته بعد
،،،،،،،،،،،،،
بعد اسبوع ماصار فيه احداث مهمه إلا أنه خطبة ماجد تمت ومازن رجع للديرة نهائي بعد الموافقة على نقلة مع عبد العزيز اللي اقنعه بالزور أو بالاصح مشى مغصوب 🌚💔
،،،،،،،،،،
مجموعين بدوانية منصور يلعبون بلوت ورق
طلال لاحظ سرحان حسين وأشر للعيال وقاموا كل من بدوره يطقطق
مازن بطقطقه : سرحاااان ولدنا هاااا
طارق : اللي ماخذ عقلك يتهنى
حسين انتبه وابتسم
طلال : ترى له اسبوع وحاله مو بعاجبني يسرح وينثر قصايد خير لا يكون صابك سهام الحب مثل ما يقولون
حسين تذكر عيون شارع وقال :
"حجانها ما كنّها إلا الطير لا طار
وأشهر جناحه في سمانا العليله
والعين عين الفرس من قبّ الامهار
مميزه بالوسع العيون الكحيله
ورموشها سيوف الملوك الاحرار
اليا رفعها من فوق ظهر الاصيله "

مشعل : وصرنا نتغزززل يا ولللد
طلال : اي زين من صاحبة السهم طيب
نايف : ياا دلخ لا تنسى إن بنت خالتك صيته محيره له من صغرهم وتذكر فهد والتفت له السموحه
فهد بمزح : يعقب يتغزل بأختي حتى لو هي محيره له
حسين : أقول لا يكثر ماني قاصد أحد كلها خيالات وطرت الابيات عالبال وقلتها
نواف : اي اي زينها قدام فهد والا واضح انك طايح على وجهك
طارق قاطعهم من شاف سرحان عزيز : إلا ماقلتلنا عزيز وين ودك تسكن
عزيز انتبه: والله ما أدري للحين أبحث ما عينت لي مكان
مازن : علمته على بيت أبو نواف اللي بآخر الديرة وما رضى فيها
عزيز : يا ولد كبيرة وش لي فيها وأنا وحدي
طارق بجديه: ليه ما تسكن بملحقنا مني ولا تدفع ريال
عزيز بحيا: لا وييين ما اقدر إن ما عينت لي مكان بشوف بيت أبو نواف هذا واتوكل على الله
طارق : يا ولد وش اللي ما تقدر أحسن ما تروح تسكن بمكان ثاني هنا تكون اقرب ووانا صادق والا لا يا عيال
مازن بملل: والله انك صادق لكن من يقنع البثر هذا
عزيز بجديه : هي مو عناد عشان تقنعوني لكن أنا ما أقبل اسكن ببلاش أبد حتى لو بيننا معرفه اعذرني طارق ادري بك رجال وكفو وما تقصر ولا ودي اردك لكن أنا ما اقدر صراحه
مازن : طيب أدفع إيجار خفيف وكذا تكون ما رديت طارق وارضيت نفسك
عزيز : يا عيال افهموني خلاص اقتنعت أنا بآخذ البيت اللي قال عنه مازن وخلاص
طارق : علي الطلاق انك ما تعيش بهذاك البيت لحالك يا رجال أنا ودي تكون قريب مني أصبح بوجهك واتمسى بوجهك اتصبر لين يفرجها الله واتزوج
عزيز ضحك : الله يقلع ذا الوجه يوووه يا حيوان
والكل يضحك على مزح طارق وكيف يقوي علاقاته بسرعه مع الناس
_
"سديم "
كانت ماشيه وتفكر بصديقاتها اللي يتكلمون عن الحب وعن عيشته وتشوف كيف أمل تكلمها عن علاقتها مع حبيبها رسائل حب وغرام ودها تجرب هالشعور اللي تسمعه منهم وبينما هي تفكر بحالميه طلع بوجهها راكان طولت بالنظر له وهي تفكر كيف تضبطه وتخليه يصير يحبها ومرت عليه وسلم عليها من شافها طولت بالنظر فيه وردت بهدوء وراحت واستغرب نظراتها وكمل دربه
_
بعد يومين ببيت ليان ببيت أبو ياسر جالسه مع سحاب وسراب ومر فيهم الوقت يتكلمون
سحاب : بنات ما تلاحظون أنه سديم متغيره هالفتره
سراب : اي اساسا كلنا ندري أنها وقت الدراسه تتغير مدري شيصير فيها
ليان تنهدت : وش يصير يعني تماشي شله فاشله زي وجهها يمشون معها أهم شي يتونسون ما أتوقع أنهم بيوم فتحوا موضوع صلاه بينهم أو شي من ذا كل همهم مواضيع الحب والوناسه والسخافات هذي
سراب بجديه : طيب انتي صديقتها وقريبه منها ليش ما تنصحينها تتركهم
ليان : نصحتها وفهمتها آني خايفه عليها من طريق الخطأ وأخذتها عزت نفس وقالت أنه أحنا مو فاهمين وأننا نشوف كل اختياراتها غلط كان بالحب أو بالصداقه أو بالاشياء وقالت كلهم قالوا كذا وعديتها بس ما توقعتك تقولين كذا يا ليان وطلعتني أنا الغلطانه يعني ودها تمشي بالخطأ وأصفق لها واقولها خطأك صواب لا ابدا أنا ما راح أوقف معها بخطأ هي تقدر تعدله وأنا ادري أن هالشله بتوديها بداهية لكنها صدتني وأنا صراحه عزت علي نفسي وما راح أركض وراها هي إذا صرت بتضر نفسها واذا رجعت لي بيوم بيتي وقلبي مفتوحين لها ونظل صديقات وخوات وما بردها
سحاب : اي زين سويتي ما تكون الصديقه صديقه إلا إذا ردتك عن درب الخطأ وتعدل بغلطاتك والا المجاملة كل الناس تقدر لها وسمعوا بوري يدق
سراب : من هذا
ليان شافت الساعة وشهقت : وشلون كذا ما حسينا بالوقت أكيد هذا راكان بيكون معصب الحين متفقين يطلعني السوق ورسلي قبل ساعه وقلت له انظرني شوي الحين بيذبحني استغفر الله وتتلفت بعجله لبست عبايتها وتلثمت وطلعت له وطلعت معها سحاب تودعها
وفتحت الباب ووقفت خلفه : مع السلامة لا تقطعينا وهمست ترا ودنا نجيك مثل ما تجينا لكن عندنا أمراض نفسيين ما يخلونا إلا بالسنه حسنه
ليان ضمتها : ادري ياقلبي ولا يهمك إن شاء الله أكون اجيكم كل ما قدرت وسمعت البوري وطلعت بسرعه مع السلامة مع السلامة لا ينحرق اللي برا ويحرقنا معه
_
راكان بنرفزه : كان تأخرتي شوي بعد ليش العجله أخت ليان
ليان بنص عين تخفي خوفها : خير راكان وتأخرنا شوي وش صار يعني خلصت الدنيا
راكان : تستهيلي صح لي سااعه هنا أنتظر لا تخليني احلف ما عاد تجين هنا
ليان قمطت : وي لا لا تسويها مو بكيفك بعدين والله أنهم يكسرون الخاطر
راكان : وليه يكسرون الخاطر للهدرجه أقوياء هيهيهي بايخه ادري وابتسم
ليان شمقت : يا سخافتك ما تضحك، بس ترا اتكلم صدق والله ان ابوهم ذا علّه الحمد لله إن ياسر اخوهم حنون
راكان بتركيز وهو متعود على سوالفها: ليه يعني ابوهم ينفهم والا وش يعني ما فهمت
ليان : لاا ما قصدت يضربهم بس كل حياته شك بشك يعني لا تطلعون عشان لا تلفتون الأنظار إذا تزوجتم طلعتم لا تستخدمون جوال إلا إذا تزوجتهم يعني كل شي إذا تزوجتم حتى لبسهم تخيل أنه ممنوع يلبسون قصير أو شعرهم يظهر قدامه أو شي لا تلبسون هالالباس إلا لزوجكم ما يطلعون للناس إلا فالسنه حسنه على قولة سحاب
راكان بتفكير : والله صادقه أنا أعرف بنات الديرة كلهم إلا بنات أبو ياسر ما اعرفهم لأنهم ما يطلعون كثير الحين فهمت
سديم : كاسرين خاطري والله إن قواني الله ما اقطعهم أنا واعده سحاب آني أكون اجيها
راكان : إن شاء الله ولا ينكسر خاطرك وراسي يشم الهوى وأنا اخو لياان
ليان بإبتسامه : والننعم فيك وفيها
_
يوم الجمعة على صلاة الفجر وهم راجعين من المسجد
شافوا مشعل بطريقهم
مازن باستغراب : مشعل أنت ما صليت معنا
مشعل : لا تأخرت وما لحقت الجماعة بس بروح أصلي بالمسجد جاره وما أصلي فيه؟! عيب حتى لو تأخرت
أبو ياسر : الله يقويك يا ولدي أهم شي الصلاه وانا ابوك ما تنهمل والمسجد جارنا ولازم نعطيه حقه واليوم جمعه  أفضل الأيام وابركها إن شاء الله نلتقي بالصلاة
وافترقوا كل من بطريق
_
ببيت مهند الفيصل كل من منهم جالسه بمكان بيدها المصحف وتقرأ سورة الكهف إلا سديم اللي جالسه تفكر براكان ووش تكتب له رساله اعتراف بحبها

كهف نور مابين الجمعتين، والصلاه عماد الدين، يمكن أنا ما أكون ملتزمه، ويمكن ما أكون محافظه على صلاتي مثل ما أقول وانصح، ولا يمكن اقرأ سورة الكهف بكل جمعه، وأنا انسانه مقصرة لكن أنا أحاول اذكّر على قدر ما اقدر عسى يقرأ كلامي انسان محتاج له ويتذكر تقصيره ويرجع لربه واحنا كلنا مقصرين وكلنا بحاجه لتذكير.

"اللهم آني نصحت الناس قولاً وخنت نفسي فعلاً، فهب خيانة فعلي لنصيحة قولي"

ولا تنسون النجمة حبايبي 💚