《 ကြောက်လန့်၍ သေဆုံးမှု 》
ယဲ့ဟွိုင်ရွေ့ ခေါင်းခါမိလျက် ။
မည်သည့်သေနတ်ဒဏ်ရာမှမရှိ ၊ ပြင်ပထိခိုက်ဒဏ်ရာလည်းမတွေ့ရသလို ခန္ဓာကိုယ်တွင်း သွေးယိုစိမ့်တာမျိုးလည်းမရှိချေ ။ ဝမ်ရှောင်းဝူ၏ အလောင်းခွဲစိတ်မှုရလဒ်က အပြင်းအထန်ထိခိုက်အနာတရဖြစ်တာကြောင့် သေဆုံးတာမဟုတ်ဘူးဆိုတာကို အတည်ပြုပေးနေ၏ ။
လက္ခဏာများရှာဖွေ့တွေ့ရှိမှုမရှိသည့်အပြင် သူ့အပေါင်းအဖော်များ၏ ထွက်ဆိုချက်များ ၊ သံသယဖြစ်ဖွယ်ထုတ်ပြန်ချက် နှင့် အခြားသောသက်သေများအရ ကြီးမားသောပြင်ပလှုံ့ဆော်မှုက ခန္ဓာကိုယ်အတွင်းပိုင်းအခြေအနေကို အနှောင့်အယှက်ဖြစ်စေပြီး ရုတ်တရက် နှလုံး နှင့် အသက်ရှူခြင်းကို ရပ်တန့်စေသောကြောင့် ရှောင်းဝူ၏ သေဆုံးမှူရလဒ်ကို ဖြစ်ပေါ်စေသည်ဟုပဲ ယဲ့ဟွိုင်ရွေ့ယူဆနိုင်သေးသည် ။
တိုတိုနှင့်လိုရင်းကို ပြောရမည်ဆိုလျှင်တော့ လန့်သေတာ သို့မဟုတ် ကြောက်လန့်၍ သေဆုံးသွားခြင်းပင်။
ဤအနှစ်ချုပ်ယူဆချက်က ယုံကြည်စရာမကောင်းဘူးဟု ထင်ရသော်လည်း အရာရှိဟွမ်ပင်လျှင် " ငါမင်းကို မယုံတာတော့မဟုတ်ပေမဲ့ မိသားစုနဲ့ သတင်းသမားတွေက ဒါကိုလက်မခံမှာစိုးရိမ်မိတယ် " ဟူသော ရှုပ်ထွေးသည့်အမူအရာမျိုးပြလာ၏ ။
သို့သော် မှုခင်းဆေးပညာတွင် " ကြောက်လန့်၍ သေဆုံးခြင်း "က ရှားပါးသောဖြစ်စဥ်မဟုတ်ချေ ။
တစ်ချို့သောသူများက ရိုးရှင်းသည့်အခြေအနေများဖြစ်သည့် အကြာကြီးအောင့်ထားရပြီးမှ ဆီးသွားရခြင်း ၊ မျက်လုံးကို ထိုးမိခြင်း သို့မဟုတ် အကြမ်းပတမ်းကစားနေချိန်အတွင်း အဖော်မှစနောက်ကျီစယ်ကာ လည်ပင်းကိုညှစ်လိုက်ခြင်းတို့ကြောင့် ရုတ်တရက်နှလုံးရပ်သေဆုံးသွားနိုင်၏ ။
ဝမ်ရှောင်းဝူ၏ အမှုကို ပြန်သွားကြည့်မည်ဆိုလျှင်...
ခွဲစိတ်စစ်ဆေးမှုရလဒ်တွင် ဝမ်းရှောင်ဝူ၏ သိုင်းမက်စ်က ကြီးနေပြီး " thymic-lymphatic constitution＊ "ကို ဖော်ပြနေတာဖြစ်နိုင်သည် ။
YOU ARE READING
ချောင်းရှီခုံးရှန်ထန့် ( BTASD )
Mystery / ThrillerCP: ယင်းကျားမင် × ယဲ့ဟွိုင်ရွေ့ Author : လွီကျီကျီ ( 吕吉吉 ) Chapter : 102 + 19 extra I don't own this story. All credits to original author.
