《 တကယ့်တရားခံအစစ်ကို ရှာမတွေ့ဘူးဆိုရင်တောင် အပြစ်မရှိတဲ့သူကိုတော့ မမှားနိုင်ဘူး 》
ယဲ့ဟွိုင်ရွေ့က ယင်းကျားမင်ကို ပြောလိုက်သည် ။
" အရင်ဆုံး စာရွက်တစ်ရွက် နဲ့ ဘောပင်တစ်ချောင်းကို ရှာလိုက်..."
ဤတောင်းဆိုမှုက အနည်းငယ် ပဟေဠိဆန်သည်ဟုခံစားရသော်လည်း ယင်းကျားမင်က သတင်းစာထဲမှာ ကြော်ငြာစာမျက်နှာကို ဖြဲလိုက်ပြီး ဖောင်တိန်ကို ဘေးမှာချထားလိုက်သည် ။
" အဆင်သင့်ပဲ "
သူကမေးလိုက်သည် ။
" ပြီးတော့ရော..."
" ဒါဆို စာရွက်ပေါ်မှာ တစ်ခုခုရေးလိုက်ပါ..."
ယဲ့ဟွိုင်ရွေ့ စိတ်လှုပ်ရှားမှုကြောင့် သူ့လည်ချောင်းများ ခြောက်သွေ့လာသလိုပင် ခံစားလိုက်ရသည် ။
" ပြီးရင် စာရွက်ကို ခေါက်ပြီး အံဆွဲထဲကိုထည့်လိုက်..."
ယင်းကျားမင်က " အမ်း " ဟုသာတုံ့ပြန်လာပြီး တိတ်ဆိတ်ကျသွား၏ ။
လှုပ်ရှားနေသည့် အသံယဲ့ယဲ့ကို ယဲ့ဟွိုင်ရွေ့ကြားနေရသည် ။ တစ်ဖက်လူက သူပြောသလို စာချန်ထားဖို့ လုပ်နေတာဖြစ်မည်ဟု သူတွေးမိ၏ ။
တစ်မိနစ်ခန့်ကြာပြီးနောက် ယင်းကျားမင်ကပြောလာသည် ။
" ပြီးသွားပြီ..."
ယဲ့ဟွိုင်ရွေ့ နှလုံးတင်းကြပ်သွားပြီး သူ့ညာဘက်တွင်ရှိနေသော အံ့ဆွဲကို အမြန်ဖွင့်ကြည့်လိုက်သည်။
အထဲတွင် ရှင်းလင်းနေပြီး ဘာမှမရှိချေ ။
ထို့နောက် သူဘယ်ဘက်အံဆွဲကို ထပ်ဖွင့်ကြည့်လိုက်သော်လည်း ဘာမှရှာမတွေ့သေး ။
ယဲ့ဟွိုင်ရွေ့ မှင်သက်သွား၏ ။
အံဆွဲထဲရှိ သတင်းစာ ၊ အပတ်စဥ်စာစောင် ၊ မဂ္ဂဇင်းတို့ကို ဤမြေအောက်ခန်းအား သူရှာတွေ့ခဲ့သည့်နေ့ကတည်းက ရှင်းပစ်လိုက်တာ ဖြစ်သည် ။ ဒါတင်သာမကဘဲ စာအုပ်တိုင်း စာရွက်တိုင်း၏ အတွင်းထဲမှ စာမျက်နှာများကို အသေးစိတ်စစ်ကြည့်ခဲ့သေး၏ ။ ထိုအထဲတွင် မည်သည့် "လျှို့ဝှက်အမှာစာ"မှ မပါဝင်ပေ ။
YOU ARE READING
ချောင်းရှီခုံးရှန်ထန့် ( BTASD )
Mistero / ThrillerCP: ယင်းကျားမင် × ယဲ့ဟွိုင်ရွေ့ Author : လွီကျီကျီ ( 吕吉吉 ) Chapter : 102 + 19 extra I don't own this story. All credits to original author.
