《 ကိုယ်အမှုဆင်ခံရတာပဲ 》
ယင်းကျားမင် ခေါင်းရှုပ်သွား၏ ။
" မင်းမနေ့ကလည်း ကိုယ့်ကိုဒီမေးခွန်းမေးပြီးသွားပြီမလား..."
" ဟုတ်တယ်လေ "
ယဲ့ဟွိုင်ရွေ့ကပြောလိုက်သည် ။
" အခုပြန်ပြီး သုံးသပ်ကြည့်ရအောင်..."
ယင်းကျားမင် ဤအင်တာနက်သုံးဗန်းစကားတွေကို နားမလည်ပေ ။ သို့သော် သူက အကြောင်းအရာနှင့်ဆက်စပ်ပြီး အလျင်အမြန်စဥ်းစားကြည့်လိုက်သည်။
" ကောင်းပြီ...ဆက်ပြောလေ...ကိုယ်နားထောင်နေတယ်..."
" ယင်းကျားမင် "
ယဲ့ဟွိုင်ရွေ့၏ အသံအနေအထားက အလေးအနက်ဖြစ်လာ၏ ။
" ရဲတွေက ခင်ဗျားကိုဘာလို့ ဘဏ်ဓါးပြမှုရဲ့ အဓိကသံသယရှိသူအဖြစ်ယူဆထားလဲဆိုတာ ခင်ဗျားတွေးကြည့်မိလား..."
ယဲ့ဟွိုင်ရွေ့၏မေးခွန်းကြောင့် ယင်းကျားမင် မှင်သက်သွားလျက် ။ နောင်လာမည့်သုံးဆယ့်ကိုးနှစ်ကဲ့သို့ လူတွေက အချက်အလက်များကို အင်တာနက်ပေါ်တွင် အလွယ်တကူရှာလို့ရတာမျိုးမဟုတ်ဘဲ ထိုအချိန်တုန်းက လူတွေအဖို့ သတင်းများကို သိရဖို့အတွက် တီဗွီရုပ်သံလိုင်းများကပင် အကန့်အသတ်ရှိ၏ ။ တီဗွီသတင်းအပြင် အခြားသောရင်းမြစ်များက သတင်းစာ ၊ မဂ္ဂဇင်းနှင့် အပတ်စဥ်စာစောင်များသာ ရှိသည် ။
လက်ရှိတွင် သံသယရှိသူက ထွက်ပြေးလွတ်မြောက်နေဆဲဖြစ်သောကြောင့် ရဲဌာနဘက်ကလည်း မျက်မြင်သက်သေကို ကာကွယ်ပေးရန် ထိုမျက်မြင်သက်သေ၏အထောက်ထား နှင့် သူတ်ို့၏ ထွက်ဆိုချက်များကို ထုတ်ဖော်မကြေညာနိုင်သေးပေ ။
ကျင်းမြို့ပြည်သူများအတွက်က သံသယရှိသူမှာ ယင်းကျားမင်ဖြစ်ပြီး ထိုသူအကြောင်းသတင်းက ယွမ်ငါးသောင်းတန်သည်ဟုသိထားလျှင် လုံလောက်ပြီဖြစ်သည် ။
_ ဘာလို့ သူမှလာဖြစ်နေပြီး တစ်ခြားသူဟုတ်မနေတာလဲ...
ယင်းကျားမင်လည်း ဤမေးခွန်းကို သေချာတွေးမိနေ၏ ။
အစတုန်းကတော့ သူ့အဖေက စီးပွားရေးလောကတွင် တစ်စုံတစ်ယောက်နှင့်ငြိလာပြီး ထို့နောက် တစ်ယောက်ယောက်က ဤအခွင့်အရေးကို အသုံးချကာ သတိပေးရန်အတွက် သူ့ကိုသင်ခန်းစာပေးလိုက်ရုံသာဖြစ်မည်ဟု သူတွေးမိသည် ။
YOU ARE READING
ချောင်းရှီခုံးရှန်ထန့် ( BTASD )
Misterio / SuspensoCP: ယင်းကျားမင် × ယဲ့ဟွိုင်ရွေ့ Author : လွီကျီကျီ ( 吕吉吉 ) Chapter : 102 + 19 extra I don't own this story. All credits to original author.
