《 ဖုလုံဆိပ်ကမ်းရှိ သဲပွင့် 》
ယဲ့ဟွိုင်ရွေ့ အိမ်သို့အလောတကြီးပြန်ရောက်လာချိန်၌ အချိန်ကားည ၈ နာရီပင်ရှိချေပြီ ။
သူ မြေအောက်ခန်းထဲသို့ တစ်ခါတည်းပြေးဝင်၍ အံဆွဲကို ရှာဖွေကြည့်လိုက်သည် ။
စိတ်လှုပ်ရှားနေသောကြောင့် သူလက်များပါတုန်ယင်နေပြီး အံဆွဲ၏လက်ကိုင်ကိုတောင် သေချာမိမိရရမကိုင်ထားနိုင်ချေ ။
ယဲ့ဟွိုင်ရွေ့ အသက်ဝဝရှူကာ သူ့စိတ်ကိုယ်သူတည်ငြိမ်အောင်လုပ်နေရသည် ။
ပြီးမှ နောက်တစ်ခါ အံဆွဲကို ပြန်ဖွင့်ဖို့ လုပ်လိုက်၏။
အံဆွဲထဲ၌ အဘိဓါန်တစ်အုပ်က ကျကျနနရှိနေပြီး ၎င်းက သူအရင်က တစ်ခါမှ မမြင်ဘူးသော ၈၀'ခုနှစ်ထုတ် ပေါ်တူဂီအဘိဓါန်စာအုပ်တစ်အုပ်ဖြစ်သည် ။ အဘိဓါန်စာအုပ်၏ အပေါ်တွင်တော့ ခေါက်ထားသော နှုတ်ခမ်းနီကြော်ငြာတစ်ခုရှိ၏ ။
ဟူး !
ယဲ့ဟွိုင်ရွေ့ သူ့စိတ်ထဲလေးလံနေတာတွေ ပေါ့သွားသလိုခံစားလိုက်ရသည် ။
သူအရင်ဆုံး နှုတ်ခမ်းနီကြော်ငြာစာရွက်ကို ဖွင့်ကြည့်လိုက်သောအခါ အနောက်၌ ယင်းကျားမင်ရေးထားသော မှတ်စုကို တွေ့လိုက်ရ၏ ။
စာထဲတွင် သခင်လေးယင်းက သိုက်ကျွင့်ဖုန်အိမ်တွင် သူရှာတွေ့ခဲ့သော ပစ္စည်းနှစ်ခုအကြောင်းကို အကြမ်းဖျင်းဖော်ပြထားသည် ။ ပြာစက္ကူစ နှင့် ကျောက်စရစ်သဲပွင့်တည်း ။ ဤပစ္စည်းများကို အဘိဓါန်စာအုပ်၏ အရှေ့ နှင့် နောက်ဆုံးစာမျက်နှာ၌ ညှပ်ထားသည်ဟု ဆို၏ ။ အသေးစိတ်ကတော့ သူတို့နှစ်ယောက် လူကိုယ်တိုင်စကားပြောလို့ရသည့်အခါကျမှသာ ရှင်းပြလိမ့်မည် ။
ထိုကျမှသာ ယဲ့ဟွိုင်ရွေ့က အံဆွဲထဲမှ အဘိဓါန်စာအုပ်ကို ထုတ်လိုက်၏ ။
ယဲ့ဟွိုင်ရွေ့အတွက်တော့ သူမနေ့ကတင် ယင်းကျားမင်နှင့် စကားပြောခဲ့ရတာ ဖြစ်သည် ။
သို့သော် ဤအဘိဓါန်စာအုပ် နှင့် အထဲထဲတွင် ညှပ်ထားသော ပစ္စည်းများက သုံးဆယ့်ကိုးနှစ်တင်းတင်းပြည့်နေချေပြီ ။
YOU ARE READING
ချောင်းရှီခုံးရှန်ထန့် ( BTASD )
Mystery / Thrillerဝရမ်းပြေး × မှုခင်းဆေးဆရာဝန် မူရင်းစာရေးသူ : လွီကျီကျီ အပိုင်း : ၁၀၂ ပိုင်း + အချပ်ပို ၁၉ပိုင်း ( မြန်မာဘာသာသို့ပြန်ဆိုထားခြင်းဖြစ်ပါသည် ။)
