🌻ဇာမဏီ၏ချစ်ပုံပြင်🌻
~~~~~~~~~~~~~~~~~~~
Part _45
"ညို နေမကောင်းဘူးဆို "
"အခု ကောင်းသွားပါပြီ မောင်ရဲ့ "
ကောင်းသွားပြီသာပြောနေသော ညို့မျက်နှာက မသာမယာ...
"ဆေးခန်းသွားရအောင် "
"ခေါင်းမူးတာလေးလောက်နဲ့ ညို ဆေးခန်းမသွားချင်ဘူး မောင်ရယ် အခုလည်း သက်သာနေပါပြီ ဘာမှမဖြစ်ဘူး "
သားကိုတောင် ဒေါ်စန်းကြည်ထိန်းပေးရတဲ့အထိဆိုမှတော့ ညိုက တော်ရုံနေမကောင်းလို့ပေါ့....
"ထပ်ဖြစ်ရင် သွားရမယ်နော် ညို "
"အင်းပါ မောင်ရဲ့ "
ညစာစားပြန်တော့လည်း ညိုက ဟုတ်တိပက်တိမစားဘဲ ဟိုတို့စိ ဒီတို့စိဖြစ်နေလေသည်...
"ခွာညို ဒီည ထမင်းစားနည်းနေသလိုပဲနော် "
ရှေ့မှာစားနေတဲ့ ကိုရာဇာကတောင်ပြောနေပြီဖြစ်သည်...
သူ့မိန်းမ ကိုယ်ဝန်ဆောင်သည်ကတောင်အစားအသောက်မပျက်ဘူးလေ....
"ဟုတ်တယ် ညို ဒီနေ့ နေသိပ်မကောင်းလို့ပါ "
"ဟင် ညီ ဆေးခန်းခေါ်သွားပါလား "
"မောင်က သွားဖို့ပြောပါတယ် ခေါင်းမကြည်တာလောက်နဲ့တော့ ညိုက တမင်မသွားတာပါ"
"ပေါ့တော့ မပေါ့နဲ့ပေါ့ ကျန်းမာရေးက ပေါ့ဆတာမကောင်းဘူး "
"ဟုတ်ကဲ့ "
ရွှန်းပြည့်သာကတော့ ပန်းကန်ထဲက အသားတုံးကိုသာမကျေမနပ်ခက်ရင်းဖြင့်ထိုးဆွလေမိတော့သည်....
ဗိုက်ကြီးနေပါတယ်ဆိုတဲ့လူကိုကျတော့မမြင်ကြဂရုမစိုက်ကြဘူး ရှေ့ကဟာကိုပဲပျာနေကြတယ်...
အဲဒီအထဲ ကိုယ့်ယောကျာ်းက ထိပ်ဆုံးကဖြစ်လို့ စိတ်ကတိုနေပြီဖြစ်သည်.....
_
_
_
_
_
မိုးလင်းတာနဲ့ မအီမလည်ဖြစ်ကာ ဟင်းအနံ့တွေနှင့် အနံ့ပြင်းပြင်းတွေရရင် ရင်ထဲအော်ကလီဆန်လာကာ ပျို့ပျို့တက်လာတာ ရက်ကြာနေပြီဖြစ်သည်....
မောင်က စိုးရိမ်နေတာကြောင့် ညိုသည် ဘာမှမဖြစ်သလိုသာ ဟန်ဆောင်အားတင်းနေလိုက်လေသည်....
သို့ပေမယ့် ညိုတစ်ခုခုဖြစ်နေပြီဆိုတာတော့ သေချာသိပါသည်...
ဖြစ်ပုံက ပထမတစ်ခါတုန်းကလို ဖြစ်နေတာကြောင့် ညိုသည် ကိုယ့်ကိုယ်ကို သိပ်စိတ်ပျက်မိပါသည်....
VOUS LISEZ
🌻ဇာမဏီ၏ချစ်ပုံပြင်🌻
Roman d'amourတစ်ခုလပ်ဟုတ်လား "မ" တစ်ခုလပ်ဖြစ်နေတာနဲ့ အဲဒီမိန်းကလေးကတန်ဖိုးမရှိဘူးလို့ ဘယ်ခွေး_ူတောင်းစားက မိန့်သွားတာလဲ....... ဘုန်းဇာမဏီသစ် တစ်ခုလပ်ဆိုတဲ့နာမ်စားဟာမိန်းမတစ်ယောက်အတွက် နာကျင်မှုတွေအတိတ်မှာမျက်ရည်များစွာပေးဆပ်ပြီးမ...
