في بيت ابو محمود
تغريد( جابت العصير لبنات عمها وقعمزت اعماهم ) : وييينكم يالظالمات معش شفتكم تقول مش بنات عم
ندى: صدقتي ولله معش فضينا
اروى: وكلما نبو نطلعو يقولوا شن ادورو
جنان : وكان قلتي كساد يقولولك نوضي ضمي وطيبي واغسلي
تغريد : اي صادقات جنان كيف حال فوزي
ندى : من فوزي
جنان : فواز
اروى: اعع شن فوزي فواز احسن
تغريد : ولله انا نحب نقله فوزي لانه يعصب منها هههه
جنان : هههه انا اول مانقول ف يقلي ماتقوليش زي تغريد ولا نقتلك
ندى: جاته عقدة مسكين هههههه
تغريد : لا لا لانه يحبني يبيني بس انا اناديه هكا
خلود( شهقت ) : اهيييئ مكبرها كلمة يحبني
تغريد ( ضربتها ) : حماارة استحي ع وجهك
خلود( تتحسس الضربه ) : انت يلي استحي عيب تقولي ف عالكلام بحدانا
تغريد ( مدت لسانها) : بنقووول يحبني ونحببببببه وموتي غيره
خلود : كان حد تاني نموت مش فواااز
تغريد ( رفعت حاجبها ) : شن مش عاجبك
خلود : اكيييد
تغريد : احسن مانبي حد يشاركني بفووزي ( لفت لاروئ): شن جو الكلية
اروئ : تمااام
تغريد ( بهمس): قلتيلي ف رساله شفتيه شن صار؟
اروى: اي شفته جاء اليوم ولله تغير يهبببل بدا
تغريد ( بصوت عالي): لله لله يهببل
خولة( لفتلهم ): من يلي يهبلل
اروى ( انصدمت ) : حد
ندى ( بخبث) : من يلي يهبل
تغريد ( شافت لاروى وبضحكة ) : يلي يهبل هو
اروى ( مفنصه عيونها ف تغريد )
ندى : هي قووولي
اروى : مافي حد
تغريد : لا عاد كيف ادسي عليها هذه هذا مروان خوها يهببببل ( بابتسامه ): و لا شن رايك ندوشتي
ندى ( وجها بدا احمر ) : اه مروان
تغريد ( تخفي ضحكتها ): اي مروان احلى الشباب طبعا بعد فواز قصدي فوزي حبيبي
ندى( بانفعال) : لا مروان احلى من فواز
تغريد و خلود واروى ضحكو مع بعض
ندى( تحشمت عصبية ): خلاص اسسس
البنات سكتوا شافوا لبعض وهما يبتسمو
( البنات اكل يعرفوا ان بين مروان وندى علاقة حب من الصغر وكذالك شباب العائلة ماعدا خوها صهيب )
نرجع لشباب
سليم ( واقف ومعصب )
فواز : ياراجل قعمز انبصروو عليك
سليم ( بعصبية) : مش مقعمز
رضا : ههههه خيرك زعلت انا شن قلت
سليم : لا كل قلته وماقلت شي
فواز : ههههه شن على خاطر قلك تخاف تكلم بنت وعندك عقدة منهم هههههه
رضا : اي مش كلامي صح ياشباب هذا معقد
صهيب : ايه صحيح
رضا : يا راجل كون زينا ولا تعالا امعانا وانا نعلمك كيف تخلي البنوت يجروو وراك
سليم ( بعصبية ) : لا ولله انا مانبي يجري ورايا حد يلا بسلامة
مروان ( وقف وشده ) : ياراجل الجماعه يبصرو عليك قعمز
سليم : لا انا ماشي مانبي نقعد وكلامهم كله ع البنات كلمتني فلانه.. صاحبت فلانه.. فلانه قالتلي.. تي ياراجل بلاش منها هالهدرزة بسلامة ( مشى )
توفيق : خيركم شباب ولله زوتوها امعاه
رضا : هههههه خليه تو يرضى
صهيب : ايه شن طول يتعقد ف النهاية هو راجل
مروان : بس عيب شباب الكلام يلي قلتوه اكل نعرفو عقدته من البنات ولا يقدر يحط عينه ف عين وحدة
توفيق : ربي يهديكم
.....
