الحلقه[41]
..
..
اليوم التالي يوم الجمعه
تغريد( كلمت البنات واتفقوا و تمو امورهم وشروا يلي يبوه وقالوا لاباءهم واماتهم بس )
ف سيارة ابوا تغريد [ منال ،، جنان ،، خلود ،، ندى،، اريام]
ف سيارة سامي[ تغريد،، جودي،، ناريمان ،، روان ]
ف سيارة الخال ابو مجاهد[ نورة ،، رهف،، راما،، منار ]
وصلوا للحوازه للجد تغريد من امها ونزلوا
تغريد: صحيت سامي يارك لله فيك
سامي: وفيك بارك لله
تغريد: رد بالك يسمع فوزي ولله يفزع الشباب يجو يعدمونا
سامي: ههههه تم ولا يهمك
تغريد( نزلت وشافت للبنات يلي منتشرات ) : طلقوهم عاد شن بيلمهم
سامي: هههه شورهم سنين محبوسات
تغريد: ههه اي .. انزل نزل معاي هربو وخلوا البضاعه ف السيارة
سامي( فتح الباب ونزل بعد مافتح الكوفني وبدا ينزل مع تغريد )
تغريد( بصوت عالي) : تعاااالوووا نزلووووا يامصايب الحق فيا عازمتكم ع الزرده وواحله فيها
سامي: هههع صار راس المدبر انتي
تغريد: هههه اكيد
سامي: نقربلك البضاعه
تغريد: ههه بري لا بنات عمي يتحشمو منك صحيت تو نقربوهم
سامي: هههه طرده معتبره مافي حتي طويسه شاهي
تغريد : ههههه لا لا عيييب بنات بس
سامي: ههه ربي يحفظكم يلا سلام تو
تغريد: ربي يحفظك
( مشت للبنات وطيبوا الشاهي ودارو فطور وحطوا الغداء ع النار وقعمزو مدايرين دائرة وتهدريز وجوو.... بعدها افترقوا كل اثنين مشتوا مع بعض )
تغريد( تمشي هي وجودي) : اي الجو رووعه
جودي: غروده بنسالك انس شن اخباره؟؟
تغريد( اضايقت) : مانعرفش معش نارى فيه
جودي( بكره) : احسن شن بديري بيه واحد تافه وحقير يلعب عليك كان .. اصلا مش عارفه كيف انتي حبيتيه زمان
تغريد( اضايقت) : خلاص معش نبي نذكره انا اصلا نكرها ومعش نحبه ولا نارى فيه خلاص تمت قصته ( انا كذااابه مستحيييل نكره انس ولا نرضى حد يسبه قدامي ونتمناله الخير ربي يسعده وييين ماكان ومع من اختار) : شن اخبارك مع رامي؟
جودي( تنهدت ) : اه انا معش عرفت مشاعري اتجاهه انا نحبه لكن نخااااف منه هلبااااا ولله تعبت منه معش فهمته
تغريد: رامي من يوم يومه عصبي وتو يغاار عليك لله يعينك عليه لكن ولله يعشقك بجنون
جودي: اي عارفه ربي يعيني
..
عند الثلاثي الاصدقاء
