الحلقة {56}
..
..
العم محمد(ابو صهيب) : وين بوك ياتغريد
تغريد( بخوف) : مهناش
العم علي(ابو مصعب) : ومحمود
تغريد: قعد
العم عبدلله( ابو ربيع) : شن ماعندكم كلية اليوم
فواز: مشيت وروحت
العم محمد: وانتي؟
تغريد: مريضه اليوم
العم محمد: كلمي بوك يجي نبوه ف موضوع قله ضروري يجي
تغريد( لفت ) : به ( مشت)
العم علي: كلمني عم نوري وقال غدوة بنقرو الفاتحه
تغريد( شهقت ولفت ) : شنن؟
فواز( بعصبيه) : شن غير خودوا راي البنت
العم محمد( بعصبيه ) : خيرك معصب بعين شن رايها مارايها وبالك بترفض ولد خالتها
تغريد( بعصبيه) : وشن كان ولد خالتي مانبيهش انا
العم محمد ( بعصبيه) : شن حسك قلتي
تغريد: ماااانبييييش مش موااافقه ماحد خدا رايي
العم علي( بعصبيه) : احترمي يابنت عمامك رانا
تغريد( بعنااد) : عمامي ع عيني وراسي بس ماحد يجبرني ع شي
العم محمد( بعصبيه حااده) : بنت امشي خشي احسن مانضربك
فواز( قرب من تغريد ) : خلوها ع رايها هي ماتبيش علاش تغصبوها
العم محمد( بعصبيه) : تقبل بيه غصب عنها وتصكر فمها
فواز( بعصبيه) : ماحد يغصبها وانا حي
العم علي( بعصبيه) : مامكبر راسها غيرك
تغريد( تبكي) : شن غصب مانبيش انا
العم محمد( بعصبيه) : تحشمي ع وجهك ناقص تقولي نبي واحد وبروا اخطبوه شن هالقله التربايه
تغريد( تبكي) : انا متربيه
العم عبدلله : يابنتي خيرك هذا ولد خالتك شن غصبناك ع واحد براني
تغريد( تمسح في دموعها)
فواز: ياعمي عبدلله نوري عصبي ومايتعاشر
العم محمد( بعصبيه) : مافي نقاااش تم الموضوع برى نادي محمود ولله تكرريها نعدمك هذا ماناقص ولله
تغريد( تبكي وخشت بسرعه)
فواز( كتم غيضه ) : حرام عليكم بنتكم هذه
العم محمد ( بعصبيه حااده) : فواااز اسكت احسنلك
فواز( تنهد يهدي ف روحه )
ابو تغريد( خش) : خير شن صاير
العم علي: وينك منادينا وانت ماهناش
