الحلقة {68}
.
.
الشباب (سامي وفواز ومراد) طلعو من الامتحان وهما يضحكوا
سامي: يلعن ابليسك ضروري التنكيت حتى ف الامتحان
مراد: ههههه شيء يجري ف دمه
فواز: ههههه ووووه يابطني بنمووت منها
سامي: نحمد ربي جاوبت كل الاسئله ولله كان انطردت من الامتحان بس واجعني السؤال الاخير جاوبت بس نقطه
مراد : خف علينا يالدافور انت هههه
فواز : هههه ع الاقل طرد من الامتحان بسبب ضحك مش تنقيل
سامي: هوينها انت عاد بس تعرف قسم بالله تعليقك كيييخ هههه
فواز: عااد عصبتني الموظفه يلي تراقب علينا وهي تجكتر تسحاب روحها اشبح شن لا وشوي تقف عليا وتسبل ف عيونها
سامي ( ميت بالضحك) : ههههه معجبه بالك
فواز : احم احم عارف هو من يلي ماينعجبش بيا
سامي : العن ام الثقه يلي ضاربتكم انت ورضا
مراد: ههه وراثه
سامي: لكن اخر مرة ادير حركات وتقول كلام يضحك ف الامتحان فكنا مانبو نصقطو اخر سنه راه
فواز : ان شاء لله كان قدرت نشد لساني هههه
..
..
ف الساحه
خلود: اسكتي مالا انا جواب السؤال التاني درته ف الثالت والعكس هههه ولله ماندري من كثر الخوف عجبت الاسرله كلها
منار: هههه ان شاء لله بس يعطيك اجابه صح مش يقول غلط
خلود: عينه يعطي غصب عنه نقله رهبه الامتحانات
منار: هدم شن جابهم
خلود: من ؟؟
منار( ابتسمتلها) : ولد عمك وولد خالتي
خلود ( شافت لقتهم خاشين من بوابه الكلية ويضحكوا طول شافت لسامي تحس دقات قلبها تعلى )
منار: امم وين رحتي
خلود( شافلتها بغيض) : ولا مكان هي نمشو
منار( شدت ضحكتها)
( وبدوا يدوروا ف الساحه )
خلود: جيعانه خلي نمشوا نشرو شيء
منار : هيا (مشوا للكفتيريا وخشوا ) : شن تبي
خلود: اي شيء بنموت جوع
صوت : ماتشبعي انت
خلود( لفت لصوت بغيض ) : امشي درق وجهككككك
منار( لفتلها ) :خيرك استكيتي ( انصدمت وهي تشوف ف فواز وسامي وراها ولفت لجلود لقت وجها احمر)
فواز : ههه وين لسانك انبلع
سامي( يشوفلها وشاد ضحكته ع وجها يلي صاير احممممر)
خلود( شافت لسامي لقاته شاد ضحكته شافت لفواز يلي يتبسم لفت لمنار بهمس) : بنطلع (وطلعت بدون ماتستنا مناك)
