الحلقة (61)
.
.
تغريد( تقرأ ف الرساله ومش مستوعبه يلي تقرا فيه )
فواز
{فيه واحد بيجي يخطبك اقبلي بيه بدون نقاش ولا قسما بالله تعرفي شن يصير فيك حذرتك من تو اقبلي طول }
قرت الرساله اكثر من مرة ومش مصدقه ان فواز رسل رسالة تهديد هذه ؟.. من يلي بيخطبها؟؟ وكيف بتقبل طول؟ وانس !!حتى كان انتهت قصتها معاه ماتقدر تنساه حاليا .. كيف بتتحمل هالاشياء دفعه واحده ؟ علاااش فواز قسى عليها هالقسوة يكفي انها رفضت انس .. تو تقبل بواحد طول بدون ماتعرف حتى من هو؟
رجعت لرسالة انس وقرت الشعر اكتر من مرة وكل مرة تبكي اكثر من يلي قبلها ... جرحاته وظلماته معاها تخلت عنه بعد دار المستحيل حتى يقنع عياله ويخطبوها .. عمرها ماظلمت حد وتو ظلمت اعز انسااان ع قلبها
سمعت صوت مسحت دموعها ووقفت وكيف بتلف لقتهم خشو لصور
فواز( وقف لما شافها )
مصعب: كيف حالك تغريد انت هنا
تغريد( منزلة عيونها ) : بخير
سامي( طلع من المربوعه) : اهلا شباب خشوا
مصعب( مشى خش هو وسامي للمربوعه)
تغريد( منزله عيونها وعارفه ان فواز قعد واقف ويشوفلها ومش قادرة تمشي وتخش الداخل )
فواز( قرب منها ووقف قريب منها بنبره فيها جمود لاول مرة) : اظن قريتي الرساله يلي وصلاتك مني وفهمتي المطلوب منك كلمه واحده وبس تنطقي بيها موافقه ولا حرف غيرها ولا حتى تسألي من وكيف وشن و و و يكفي هالكلمه
تغريد( رفعت عيونها وشافتله بغصه ) : وترضى عني
فواز( ابتسم بهزوة) : الرضى اطلبيه من لله مش مني
تغريد( دمعوا عيونها ) : فواز مستعده ندير يلي تبيه بس سامحني وانسى يلي صار
فواز( قرب منها وبنبره كلها جفاء ) : ماننسى يلي درتيه الا بعد نموت
تغريد( تبكي ) : انا غلطت عااارفه ولله عاااارفه وندمااااااانه ساااامحني تربح وانسى يلي صار
فواز( بجمود) : هالشي صعب
تغريد: ا (رن نقالها رساله شافت لقتها من انس خاااافت وشافت طول لفواز)
فواز( شك ان فيها شي الرساله خدا منها النقال وهي انصددمت وجمدت من الخوف.. لقى الرساله من حنان القلب.. فتحها
{ تغريد اسف ع الازعاج بس بنقلك انا مستعد نستناك لين تهدى الاوضاع عندك ونخطبك من جديد حتى لو بعد سنين المهم انت لا تخليهم يغصبوك ع حد وانا نوعدك مانسيبك و مش مخلي حد ياخد مكاني .. زي ماخليت ولد خالتك يفسخ نخليه اي حد يحرم يقرب منك او يمنعنا عن بعض نحبك تغريد نحبك }
تغريد( تشوف ف ملامح الصدمه وتغير للغضب وتبي تعرف شن فيها الرساله وتدعي مايكون شي قوي وتريح فيها )
