الحلقة (60)
.
.
تغريد ( حطت ايدها ع خده وتشوفله بصدمه مش مستوعبه يلي صار)
فواز( بغضب شديد وملامح وجها تدل ع انه بينفجر من الغيض شد ايدها بقوة وضغط عليها باقوى ماعنده) : تخوووني ثقه اهلك واولهم ثقتي فيك هذه اخرتهااااا يا تغرييييد تخونينا واديري علاقه مع وانسس .. انس ياتغريد انسسس ؟ لا وبصحه وجه جاي يخطب وانت بدم باااارد تقولي موافقه وحاذفه الثقه بغيد ولا كانك مدايره شي انت انساااانه انت عندك احساااس بالله تو تحسي بيه بكل دم بااااارد تبيعي ثقتنا فيك
تغريد( تتألم من مسكته لايده شدت ايده يلي ماسكها بيها وتبكي) : فواز
فواز( بعصبيه حاااده لاول مرة يعصب ) : لا تقووولي اسمي فوااااز خنتيه وخنتي ثقته فيك فوااااز شوهتي سمعته
تغريد( تبكي) : انا مادرت شي
فواز( عصصب وشد وجها بايده التانية وضغط ع فكها بقوة) : ولااا حرف ولا تكذبي سمعت باوذاني ماحد قااالي تو سمعتك تكلمي فيه واعترفتي
تغريد( تبكي وتتألم)
فواز( بعصبيه حاده وهو ضاغط ع ايدها وفكها ) : اخرتها يا بنت عمي تطلعي مدايره علاااقه مع واحد قاري معاك من سنين معناها العلاقه من اسنين معناها وقت نقلك عندك حد تقولي لا ماعندي .. انت حقييييييره تفيه عليك
تغريد( تشهق من البكا وتحاول تتكلم بس ماقدرت وهو شادها)
فواز( طلعها بعصبيه وحذفها ووقف بصراخ) : انا المجنووون يلي واثق فيك ومصدقت قلتلك لو سمعت ان عندك حد نزعل وانا كنت نقعد لو عندك حد ف قلبك ولا مرة فكرت ان انت بالذات اديري علاقه مع واحد لااا وتكلميه ومش غير هكا واديري موعد معاه ..
تغريد( تبكي) :ا
فواز( قرب منها وصكر فمها بقوة وعصبيه) : مش طايق نسمع صوتك مش طاااايقك مش طاااااايقك ( بعد عنها ووقف وضرب صدره ) : انا الغبي اناااا يلي دايما نفتخر فيك ونقول ان تغريد غييير وان هي ما ادير الغلط كنت نقول كل البنات خااايناااات وكل البنات لو الواحد ضحكلهم يعطوه الثقه الا انت الا انتتتتت ياتغريييد كنت نشك ف روحي ولا نشك فيك..(بصراخ) : نشك ف ارياااااام ولا نشك فيك .. ضيعتي كل شي بتهورك .. تعرفي ان انس افضل منك بمليووون مرة تعرفي اني نحترمه اكثر منك لانه ع الاقل جا خطبك ودار المستحييل باش يقنع عياله اكيد صعب عليه لان خوه خطبك ورفضتيه .. بس تعرفي انت ماتستاهلي حتى انس انت وحده حقييييره ماتستاهليه خنتي اهلك وخنتي مبادئك وتربيتك و اولهم اناااا يلي ماندس عليك شي خنتيني .. لا وقوة عيييين ف الكلية قبل ايام جايا وتضحكيله ومقابلتيه ع اساس مقابلتيني انااا لعبتي عليا صح
تغريد( تبكي بقوة) : ف
فواز( بعصبيه) : لااااا تتكلميييي خليك سااااكته ( قرب منها وشد ايدها ووقفها وشد اكتافها بعصبيه ) : انس تنسيييه تمحيه من ذاكرتك ولا تحلمي انك تتزوجيه لو مهما صااار ساااامعه.. ولله ولله لما انذمك علي درتيه ولله اخرتهاااا اديري موعد معااه ف حوشكم ناقص الا تهربي معاه لو رفضوا عيالك واكيد مخططه لهذا الشي
