الحلقه الرابعه
.
.
جودي( بخوف ) : خيره رامي
راما: شوره متعارك مع واحد روح فيه جروح ف وجهه معصب ويكشخ
تغريد( شافت لجودي)
جودي ( تشوفلها بخوف)
راما : جودي صاير شي ف الكلية
جودي( بربكه) : لا ..ماندري
رهف: حق راما بنسألك ( لهو يهدرزو وتغريد لفت لجودي بهمس)
تغريد: صار شي
جودي( بخوف) : اي شافني مع واحد
تغريد( بصدمة) : كييف
جودي: تو نحكيلك
نخلو البنات يهدرزو ونمشو للبنات يلي جالسات البرى 😉
طلعتلهم نريمان وقعمزت امعاهم
منار: شن رايكم كل جمعه نجتمعوا عند وحدة
روان: ولله فكرة
نريمان: غير بالله من بيخلينا
منار: وعلاش شن فيها كان اجتمعنا
نريمان( بهزوة) : مافيها شي بس ناسيين خوي نوري العصبي
منار: وووه نسيت لله يعين
روان: ونسيت رامي العصبي ما اظن يقبل
نريمان: انت ع الاقل عندك خوك اسامه ماشاء لله عليه يهبببببل
صوت راجل : من يلي يهبل
الثلاثه انخلعوا ولفوا
ونريمان ( قلبها طااح)
اسامه( ببتسامه) : السلام كيف حالكم
منار: وعليك السلام الحمد لله وانت
اسامه( سلم عليها بايده) : هلا منار انا بخير كيف حال خالتي وخالي
منار: بخير لله يسلمك
اسامه( مد ايده لنريمان يلي تشوفله وقلبها يدق بقوة ): كيف حالك يانريمان
نريمان( سلمت بربكه ): ب بخير وانت
اسامه( ابتسملها) : الحمد لله ( بعد ايده) شن مقعمزين هنا صقع تمرضو
روان : شوي ونخشوا
اسامه( ابتسم) : سمعت وحدة تكلمت عليا من ؟
نريمان( حست قلبها طبووول)
روان: ههههه هذه نريمان
نريمان( انخلعت وضربتها)
روان( شدت ضحكتها)
اسامه( شافها كيف متحشمه شد ضحكته) : ماشاء لله نريمان كبرتي سنه شن تقري؟
نريمان( منزلة عيونها وساااكته)
منار: ثالثه تانوي
اسامه: بالتوفيق يااارب جدي ف المربوعه؟
روان: اي
اسامه( خش للمربوعه)
نريمان( بعصبية ) : روااان حماااارة لاش مقايله انا يلي قلتها
روان: هههههه عادي شن فيها
نريمان( بغيض) : فيها ان هذا اسااامه ( وقفت وخشت )
منار: ههههه حشمتيها
روان: عادي عادي اسامه مايقول شي
نريمان ( خشت للكوجينا وشربت امية اطفي ف النار يلي شعلت ف قلبها وتنهدت بقوة) : اسامه اساامه اااه منك اااه
رامي وسامي مع بعض ف السيارة
سامي( بصدمة) : قسم بلله انك مجنوووون
رامي( بعصبية) : اي مجنون واجن مني مافيش تبيني نشوفه يكلم ف بنت خالتي ونسكت
سامي: بس مش لدرجه تضربه قريب تقتله وتقله ياتحول من الكلية ولا نقتلك
رامي: خليه يحول ولله كان ماحول من الكلية وقسم نقتله
سامي: هههههه قسم بلله مجنووون ( ابتسم) : كله ع خاطر جودي
رامي( بحرقه) : نحبهاااا نحبهااا ونغاااار عليها وهي ولا هامها
سامي( ابتسم) : ان شاء لله تكون من نصيبك
رامي: ان شاء لله يااارب
&&&&&&&&&&&&
اليوم الثالي العشية
في حوش العم عبد لله
