الحلقه { 12 }
يوم الخميس في كلية تغريد
تغريد( شافت مها ورهف ومشتلهم) : هلا بنات
رهف: هلا ببنت خالتي
تغريد: اهلا نسحابكم مشيتوا للكلية الثانية
رهف: قال لا الدكتور
تغريد: اها خسارة
رهف: لكن فيه دكتورة قال ديروا بحث ومرات نمشوا للكلية الثانية ندوروا كتب
تغريد( غمزتلها) : مخططين
مها: هههه اي لاااازم نمشوا
تغريد: ان شاء لله تمشو وتشوفوهم
.
.
.
في حوش اروى
اروى( كانت مقعمزة علة الكرسي وتخلس في شعرها خش سليمان )
سليمان( قرب منها) : اووه حبيبتي
اروى( انخلعت) : اهئ
سليمان: بسم لله عليك خيرك ...( وقف خلفها) ولله كل يوم تزيدي احلى ولله كل يوم نحبك اكثثر
اروى( لمت شعرها وشداته بتوكه ووقفت لفت لقاته قريب منها)
سليمان( ابتسم بحب) : اروى ماتدري كيف كانت حياتي قبل ظهورك فيها تو حياتي بوجودك صارت احلىى بهلباااااا
اروى( نزلت عيونها) : بنمشي نحط الغداء ( جت ماشية شدها)
سليمان( شد ايدها ) : انا اسعد انسان لاني معاك.. ومانتمنى حد غيرك ..ونتمنى نكمل عمري ف سعاده معاك..ومانتمنى حد غيرك نكمل حياتي معاها .. ونتمنى ربي يرزقني باولاد وبنات منك .. اروى انا نحبببببك ( رفع ايدها وباسها )
اروى( انتفض جسمها وبعدت ايدها بسرعه ): ا ابنمشي نحط الغداء ( مشت وخشت للحمام وبدت تبكي) : اااااه سااامحنييي ولله مانقدرش نحبك مانقدر ننسى خالد مانقدر اااه
.
.
.
يوم الجمعه
الشباب طلعوا زرده يلي هما
فواز رضا مصعب صهيب مروان سليم وسيم رامي مجاهد سامي توفيق
الشباب مقعمزين ووالعين النار ودايرين عليها
وسيم: شبااب شن رايكم فواز يغنيلنا
فواز: لا عيان
مصعب: شن جاي ع رجليك
فواز: لا بسيارة
مصعب( يتبرد) : احلف بس
فواز: قسم بالله
الكل: هههههه
سامي: هيا ابو الفوز غنيلنا
رضا( ناض) : خلي نجيب قصعه ندربك
رامي: هههه ثواني فنانين
رضا( جاب الصقعه وقعمز) : هيا ابدا
