الحلقه الثامنه
.
.
خشو وشين العمات والعمام يعيدو
واخر واحد كان ربيع سلم عليهم ووصل لجنان ومد ايده
تغريد: مش سلمت عليها وعيدت عليها
ربيع( شاد ايد جنان) : اه اي نسيت
تغريد( رفعت حاجبها) : نسيت ؟؟
ربيع(شاف لجنان وابتسم) : نسيت ماقلتلهاش سامحيني( بعد ايده)
تغريد: وشن درتلها لين تقلها سامحيني
ربيع: مادخلكش
الكل: ههههههه
تغريد( عصبت ) : جنان بالله عليك سامحيه عن يولي مرة واثنين وثلاثه
الكل: هههههه
ربيع: شريره
تغريد( بطتنيشه): طالعتلك
توفيق: ياجدتي سليم ووسيم يبو يسلمو عليك
الجدة: وعلاش ماخشوش
تغريد( بهمس للبنات) : واحد معقققد والتاني شايف روحه
البنات: هههه
رضا: شن قلتيلهم
تغريد( بغيض) : مادخلكش
رضا: ههههااا اصلا عارف شن قلتي
تغريد( بغيض): مدام عارف لاش تسال
رضا: كساااااد
الشباب طلعو والبنات قعمزو يهدرزو
.
.
.
بعد صلاة الاعشاء
الشباب ف المربوعه
خشت بنت اخت تغريد : عميي فواز
فواز: نعم
البنت: قالتلك تعال سوق العشاء
فواز: قلها باه
ربيع ورضا ( مع بعض) : من؟؟
فواز: بسم لله وانتم شن دخلكم
ربيع: نبووو نعرفوو من يبيك
فواز: اكيد وحده من خواتي ياجنان ياتغريد
رضا( يكلم ف البنت) : من دزك
البنت: خالتي تغرد
رضا: ههههه تغرد حلووو الاسم عندك اخت جديده يافواز وماتقلنا
فواز: نوض نوض معايا بلا ضحك زايد
.
.
تغريد واريام واحلام ف الكوجينه
فواز ورضا: السلام عليكم
البنات: وعليكم السلام
فواز: لله لله انتم يلي طيبتوو
احلام: لا هدم مافالحات الا ف الضحك
رضا: هههه عارفينهم خسرااات
تغريد( بغيض) : مش خسرااات
فواز: هههه شن درتو تره
تغريد: انا انا غسلت الكواشيك
اريام: انا غسلت الصفرة وحطيت فيها الصونية
رضا: لله شفت اختي افلح من اختك
فواز: عنده الحق هي غسلت الصفرة وحطتها ونهضت الصونية وحطتها ف الصفرة خير منك غسلتي بسسس الكواشيك
تغريد( عطاته الصفرة) : اي خود خود الصفرة وارفع عشاكم
فواز: هههه وشن العشاء
احلام: بازين
رضا: ههههه وانت الكواشيك لشن غسلتيهم
تغريد( ببتسامه) : كواشيك ليا وارومه احنا ماناااكلوش بايدينا
فواز: ههههه بازين بالكاشيك يااي مامدلعات
تغريد: يلي عندهم خوت زيكم اكيد يتدلعووو
رضا: انحس ان اختك هازية علينا
فواز: لا تشك تأكد انها هازية واكبر هزوة
احلام: غير ارفعوو عشاكم صقع
.
.
.
خشوا لشباب وحطوا الصفر
وفواز قعمز: يلا يلا بسرررعه للعشاء
ربيع: شن العشاء
فواز( بدا يغني ويطق ع الصفرة ) : آآآآه الدنيا حلوة واحلى سنين .. بنعيشها على العيش والبازين ... نغمص شوية ونرفس شوية ونلحس الايدين .. آآآه ننسى يلي فاتنا ونعيش حياتنا على اكلة الشيابين ...كل الشباب اثنين اثنين .. متجمعين ع القصعه مقعمزين .. انا لو عليا ناخد الصونيا ونقول ياشباب باي باي
الشباب( مااتو بالضحك) : هههههههه
صهيب: واااو شن هالابداع
مروان( صفر)
مصعب: شباااب سلفي مع فواز عجرم
الكل: هههههههه
بعد العشاء
سليم : ياجماعه معزومين الخميس الجاي
مصعب : واخيراا عزمتنا
سليم: عاد بلا كذب وانا ديما نعزم فيكم
فواز: ليها 3 شهور اخر عزومه منك
رضا: 3 شهور ويومين و8 ساعات
مصعب: ودقيقتين
الكل : ههههه
سليم: وااااي حاسبينها
فواز: طبعاااا ما شن
سليم: ههه المهم هالمرة عزومه غييير
صهيب: شن خطبت ولا بتتزوج
رضا: ههههه لاااا اذا خطب فهذه معجزة واذا بيتزوج فهذه كاااارثه هههههه
توفيق: رضااا خليك ساكت
مروان: قول شن سبب هالعزيمه
سليم: عرس اختي
فواز: اختك من ؟؟
سليم : سلوى
في واحد من الشباب كان يشرب ف الشاهي شرق بيه و صرخ بقوووة بس ف اعماق قلبه وناض وطلع
مروان: خيره شن صابه
فواز: شرق راه يموت بنطلع نشوفه ( طلع شافه مقعمز ومنزل راسه وحاط ايديه على راسه قرب منه وقعمز بحداه ) : تحبهاااا
انتهت الحلقه
من يلي يحب سلوى ؟؟؟؟؟؟؟😢😢😭
