رضا ( بصدمة ) : قووولي من انت ومن وين تعرفيني
البنت : نعرف عن طريق بويا
رضا ( باستغراب) : بووك كيف انت من بوك؟؟؟
البنت ( بضحكة ): بوك بويا يالغبي
رضا ( دااخ) : كيييف
البنت ( بعصبية ): رضااا انا اريام اختك خير بلاك
رضا ( انصدم وبعد النقال وشاف الرقم ورجعه ) : انتي باي رقم تكلمي فيا
اريام( بهزوة) : برقمي شن مش مسجله وتسحابني من معجباتك
رضا ( عصب ) : شن تبي متصله
اريام : نبيك تروح بيا من المدرسة
رضا: مش فاضي
اريام : فاضي بالدوران ع المدارس ومش فاضي توصلني
رضا( بعصبية ) : كلمي بوك ولا روحي بروحك ( سكر النقال)
فواز ( باستغراب) : من هذه ؟؟
رضا ( بغيض) : اريام
فواز : من اختك؟
رضا : اي
فواز : ههههههههه وووه طحت الا ف لسان اختك ياحشمتك هههههه
رضا ( حرك السيارة بعصبية ) : بلوة معش بتسكت
) رن نقاله مرة تانية لقاها هي ومارد )
فواز : رد ولا نرد عليك هههه
رضا ( رد بعصبية) : شن تبي
اريام : رد باهي
رضا : شن تبي مش فاضي بيك
اريام : تعال وصلني للحوش بوك مهناش والمدرسة قريب تفضى ونقعد بروحي تعال ولا نقول لبويا ع الدوران
رضا( بعصبية) : باه ( سكر عليها )
فواز : هههههه نرفزاتك هههه
رضا ( بغيض): تعصصب لله يعين يلي بياخدها
فواز : ههههههه
وصل للمدرسة واتصل بيها وهي طلعت شافت واحد مع رضا واستغربت من قربت من السيارة وفتحت الباب لخلفي وركبت
اريام: السلام عليكم
فواز ( شاد ضحكته): وعليك السلام كيف حالك يابنت عمتي
اريام ( بدون نفس): بخير ياولد خالي ( لفت لرضا ): واخيرا جيت قعدت بروحي
رضا( بعصبية): وروحتي بروحك لاش تستني فيا
اريام : ولله انت مافي وادور من مدرسة لمدرسة واكيد خاطم ع مدرستي اكثر من10 مرات شن فيها كان وصلتني
رضا( بغيض): مرة تانية روحي بروحك
اريام: مانبيش نروح بروحي والسيارات يخطمو عليا ويحذفو ف الاوراق تقول كناسه
فواز ( انفلق ضحك) : هههههه سطل كناسه يمشي ف الطريق
اريام ( عصببييت ): انت خليك ساكت
رضا ( بعصبية ): ضمي فمممك ( وصلها للحوش وفتحت الباب ونزلت )
اريام : اسمع ماتعطلش ع الغداء مش تقعد لين تسقد بنات الكلية وتجي تبي غداء
فواز : ههههه تو انا نغديه
اريام: كان لقيت من يغديك
فواز: هههه الحمد لله عندي خوات ماهمش زيك
رضا : خشي بلا ورير زايد ( حرك السيارة)
فواز: ههههه ولله اختك كيخ
رضا: بس حصلللله
الساعه 7 مساءا ف حوش تغريد
رن الجرس ناضت تغريد تفتح
تغريد : من؟
صوت ولد : واحد
تغريد ( عرفاته وابتسمت) : مانفتحوش للواحد كان اعماك الرقم 2 نفتح
الصوت: واحد معجب بيك شن تبي باثنين
تغريد : ههههه بس انا مانحب الارقام الفردية
الصوت: هههه يلا افتحي غدوة تو نجيبلك رقم زوجي
تغريد : لااا
صوت: هياا ولله مشتاقلك ليا زمان ماشفتك
تغريد : و انا مانبي نشوفك
صوت: هيا عاد عييت راني
تغريد : نفتح بشرط
صوت: كم غرودة عندي افتحي وشرطه منفد
تغريد ( فتحت الباب وابتسمت ) : هلا فوزي
فواز ( رفع حاجبه): هلا تغروو
تغريد: اووه دلعي غروده مو تغروو
فواز( كتف ايديه): واسمي فواز مش فوزي
تغريد : فوزي احلىى هيا نفد شرطي
فواز: ههههه ع الاقل خليني نخش نقعمز
تغريد : لاااا وين تغش عيييب
فواز: حوش عمي انت شن دخلك بنخش درازي بعدين نبي محمود وينه
تغريد( بزعل): جاي تشوف محمود يعني مش مستاحشني
فواز: ههههه اي مش مستاحشك
تغريد : برى خلاص محمود ماهناش
فواز: شكلك بجد زعلانه
تغريد: اي معقول اسبوع ماشفنك
فواز: هههه وشن بديري بيا عندك رقمي كان تبيني نجي اتصلتي
تغريد ( بزعل): مانبي منك شي خلاص
فواز: هههه تعجبيني لما تبدي مكشمة ههعع المهم شن الشرط
تغريد: ارفعني لخالتي ام رهف
فواز: هيا اركبي
تغريد: ومنال بتمشي
فواز: اييح عاد انت عادي سريعه بس منال شن بنقعد نستناها
منال( طلعت ): شن قلت
فواز( انخلع): اه شي اهلا منال
منال: سمعتك سمعتك خلاص مش ماشية
فواز : ايه عاااد من الزعل يلي مانحبه هيا هيا بسرعه كان بتمشو
منال( شافت لتغريد): ارفع غرودتك بروحها انا معش بنمشي طاارت النية ( خشت)
فواز: اووه زعلت شن بيراضيه
تغريد: هههه تعرف منال بسرعه تزعل لاش تتكلم هههه لله يعين يلا بياخدها تواني بس( خشت)
فواز: ولله يعين يلي بياخدك
تغريد( ولت ): شن قلت
فواز( انخلع): شي نكلم ف واحد
تغريد: من الواحد بسم لله
فواز: بري بري بسرعه بدلي عن نمشي ونخليك
تغريد: قسم بلله نزعل كان مشيت ودور كيف تراضيني (خشت)
فواز : لله يصبرني ناقصني انا زعل
...(( ع فكرة فوااااز ولد عم تغريد خوها من الرضاعه يعني ام تغريد مرضعاته ))
مشت تغريد لحوش خالتها ام رهف يلي عندها ثلاث بنات .. رهف وجودي ومنار
هدرزت شوي اعماهم ومشو هي وجودي بروحهم لان عندهم اسرار بروحهم
كل وحدة حكت شن صار لتانية في الكلية
تغريد: علاش رامي عصب شن كان لقاك بروحك
جودي: ماندري
تغريد( ابتسمت): حزار عليك لانه يحبببببك
جودي( وجها بدا احمر ) : لا من قال
تغريد: عليا انا جوجو هو يحبك واااضح وانتي تحبيه
جودي( تنهدت): مانحبه بس نعزه بس نخاف منه عصبي لدرجة ونسيتي انا نحب عبد لله يلي يقرى سنه ثالثه
تغريد: اي نسيت لله يعينك
جودي: وانت؟؟
تغريد: انا شن ؟؟
جودي: تحبي انس واليوم شفتيه ورجعلك احساسك زمان
تغريد: انا ما نحب انس بس نعززه
جودي: تغريد ليك كم سنه وانت تقولي نعزه واضح تحبيه
تغريد : لا لا انا مستحيل نحب انتي عارفه ان نكره سيرة الحب والزواج
جودي: لانك ولد اقصد تصرفاتك وقناعاتك زي الاولاد وماتابيش تقنعي نفسك انك بنت وفيه من يحبك وتحبيه وانت تحبي انس واضح
تغريد( تنهدت) : اي عشت حياتي زي الولد وكنت دايما مع محمد وفواز واولاد عمامي كلهم يلي نفس عمري اولاد خلاص تعودت نكون زيهم
جودي: غيري قناعتك غدوة تتزوجي كيف بتعيشي مع راجلك
تغريد( تنهدت)
جودي: تغريد انس معجب بيك من 9 اسنين من موقفه يلي ف الصف السادس لما كنتي تظني انه يحب مروة صاحبتك والمواقف يلي صارت بعدها واكتشفتي حبه ولتو يحبك
تغريد ( سكتت ماقدرت ترد))
.....
اليوم التالي ف مدرسة البنات التانوية
خلود وندى ومنار
مقعمزين ف الاستراحه
خلود : اووف امتى بنفتكو من الهم كل يوم تطبيق مراجعه اختبار واجب
منار: اييه شن قريتي
خلود: لا ياهمي ماقريت شي
منار: وانا قريت تو ماندكر شي .. وانتي ندوش
ندى( سرحانه)
خلود( ضربتها ع راسها)
ندى ( انخلعت) : اي خيرك
خلود( ابتسمت) : يلي واخد عقلك يتهننى
ندى( بتنهيده) : امييييين
منار: ههههه هايمه ف حبيب القلب
ندى: اي ( بضيق) : ليا كم يوم ماشفته وامس اتصلت بيه ومارد
خلود: انا شفته امس جاء لمصعب وحاله تمام معش تخممي بعدين انت ولد عمه مروان وتسمي ف اخباره حتى كان ماشفتيهش مش زينا احنا
منار: تكلمي ع روحك انا ماعندي حد نفكر بيه ولا نحبه
ندى : ههه اي زي بنت خالتك المسترجله تغريد
منار: ها ها ها بايخه ( لفت لخلود) : وين سرحتي ولا ف استاذ علي
خلود( شدت قلبها) : ااه ياقلبي ع سيرة الحبايب
البنات : ههههه
رن الجرس
منار: وووه تو الاختبار
ندى : اختبار شن؟؟
منار: هههه صح النوم
خلود : ههههه تركني زينا ع الزاوية من جماعه الساقطين
منار: هي شن بدير بالشهادة وراجلها الدكتور مروااان
ندى: ياودي غير يخطبني نبطل من اليوم ونريح روحي
خشو للفصل
