الحلقه {34}
..
..
اخر ايام في الدراسه بعد اسبوع الامتحانات النهائيه والكل مشغول بدراسته
يوم الاربعاء في كليه جودي
جودي( مع هاجر صاحبتها في القاعه ويناقشوا ف دكتور ع البحت )
هاجر( بهمس) : جودي بنطلع
جودي: علاش خليك معاي
هاجر: شوي نرد ع امي من بكري تتصل فيا يمكن صاير شي
جودي: اوك ماتعطليش
هاجر: به .. عفوا دكتور بنطلع نرد ع الاتصال
الدكتور ( مندمج ف البحت) : باه
جودي( حست موقعها غلط وهي والدكتور بروحهم ف القاعه ..كمل الدكتور اطلاعه ع البحت وعطاهولها وقلها يكملوه ويعدلوا الاخطاء وطلعت هي والدكتور من القاعه بعد فتح الدكتور الباب وطلع قلبها وهي وراه .. وانصدددمت برامي يلي جاي في الممر ..كانوا عيونه يخوفوا والغضب باين عليه حست برعب يخترق قلبها )
للدكتور: جودي في اي وقت تبيني تلقيني انا جاهز ( ومشى)
جودي( جامده وتشوف لرامي يلي يشوفلها بغضب لفت بطئ من الخوف ماقدرت تمشي به لاقت هاجر كيف جايه)
هاجر: شن تم الدكتور ... جودي خيرك؟؟
جودي( برعب) : رامي شافني طالعه ورى الدكتور من القاعه
هاجر: وشن فيها كان شافكم هذا دكتور يقري فيك
جودي: هذا الشي فهميه لرامي وووك ياحليلي منه
هاجر: تعرفي انا لما طلعت قابلني هو ف الممر ومشى بسرعه ف الجهة يلي كنت جاية منها اكيد لانه مالقاكش معايا مشى يدور عليك
جودي( بخوف) : لله يستر رامي شكاك وعصبي
..
..
في كلية تغريد
رهف( واقفه ومها مقعمزه) : هياا المحاضره تو والدكتور يخش معش يدخل بكل
مها: مش خاشه
رهف: علاش خيرك
مها: بالله عليك فات اعمارنا الا ف القراية والهم قريب نتخرجوا وماحصلنا شي
رهف: المهم الشهاده
مها: تي بالله شن تنفعنا الشهاده بعد مانتخرجو ونشدو الحوش وماحد بيطق بابنا يلي اصغر منا عندهم 100 صاحب و متزوجات واحنا نفوتوا اعمارنا الا ف القراية والهم
رهف: الزواج كله بالنصيب
مها: نصيب اجري وراه مش بيجيك
رهف: المهم هيا نخشوا
مها: انا مش خاشه حق اسمعي قعده تكلمي ف ايهاب!!
رهف: مش ديما
مها: تي فوتي جد امه وبري كلمي محمد وجمال ويلي تكسبيه اكسبيه
رهف: ولله ماني مكلمه واحد فيهم حتى ايهاب بنقطع علاقتي بيه مانبي نخون ثقه عيالي انا صح جريت ورى مشاعري ونسيت كل هذا لكن من اليوم خلاص
