.
.
فواز: جاااوب انت تحبهااا
توفيق( منزل راسه بصوت مخنوق) : اي نحبهااا نحبهااا
فواز( تنهد بضيق) : اه كنت شاك انك تحبها .. به وهي تحبك
توفيق( رفع راسه وشاف لفواز بضيق كبير) : هي اكيد تعرف او ع الاقل حست بيا سنييييين راه مش سنه ولا اثنين
فواز( تنهدت) : لله يهون عليك
توفيق( وقف وضرب جهه قلبه ) : اااخ ناااار ناااار ف قلبي نااار شن بيطفيها
فواز( وقف وحط ايده ع كتف توفيق) : توفيق خلاص حاول تنساها ولله يكتبلك وحده احسن منها
توفيق( بانوا الدموع في عيونه) : صعععب ننساها صعبببب والاصعب انها قريبتي يعني مستقبلاا بنشوف صغارها ونتعرف ع راجلها ويمكن نتلاقى معاها صعببببب ( مشى)
فواز( شده) : اصبر خليني معاك
توفيق: مانبي حد يافواز نبي نقعد بروحي ( مشى وركب ف سيارته)
فواز( تنهد ) : لله يكون في عونه
ثالث يوم العيد الساعه 5:30
في منزل تغريد
كانت مقعمزة هي وامها ومنال ويهدرزو ع عرس سلوى
محمد ( خش ) : السلام
الكل( فرحوا بشوفته وناضوا يسلمو عليه ويضمو فيه ليه 8 شهور ف الشركه هو وسعيد )
محمد: كيف حالكم وحال جدودي حال عمامي وخوالي والكل
ام تغريد: الكل بخير.. تغريد جيبي لخوك شي ياكله
تغريد( ناضت ومشت للكوجينه وبدت توتيله ف الصفرة .. في خاطرها) : اااه استاااحشته وربي هو اغلى خوو من بين خوتي
صوت: خيرك تبتسمي
تغريد( لفت لصوت وتحشمت) : اندرى شن نفكر
محمد( مشى خدا طاسة وطب اميا وشرب) : شن جو لقراية
تغريد( ببتسامه) : تماام
محمد: عاد شدي اللغه العربية صاعبه
تغريد: ههه تطمن شاطره فيها طالعتلك
محمد: شن قعدات صاحباتك امعاك
تغريد( تغيرت ملامحها ولفت عنه ) : اي
محمد( طلع)
تغريد( حاولت تمسك دموعها ومشت عطاته الصفرة بعد وتتها وحطتها قدامه ومشت رقدت فوق الحوش وتبكي ))
ااااه مانقدرش نشوفلك ولا نقدر نرجع عللقتي بيك زي قبل ... اااه كله منها هي السبب هي السبب لله لايسامحهااا
..
يوم الخميس ف عرس سلوى
.
.
.من بين كل الفرحانين بالعرس فيه شخص جالس في الخارج ومنزل راسه
جاه الشخص الوحيد يلي عارف بالموضوع قعمز جنبه
