الحلقة { 64}
.
.
في الليل
فواز( ف داره ويتكلم بالنقال) : امم لا عادي شوف الشباب وبلغني ( سمع صوت الباب تقربع) : تم مراد نتكلمو غدوة سلام تو (صكر الخط ع خبطه الباب بقوة قعمز وهو مستغرب)
تغريد( بدموع) : فوواز
فواز( قلبه طاح من الخوف نط وقرب منها) : بسم لله خيرك خيرك
تغريد( قعمزت ع ركبيها وتبكي) : تررررربح ريحني يافوااز تربح تعبت رااه تعبت
فواز( تنهد وسكت )
تغريد( تبكي وتشوفله ) : تررربح مش قااادرة نتحمل قسوتك عليا عاااااارفه غلطاااانه عاااااااااااارفه وربي مانسامح روحي ع هالغلط ونستااااااهل كل شي يصيرلي لكن ترررررربح اوخيي ترربح يافواز تربح ورحمة امك وبوك تحت التراب وغلاوتهم عندك يكفيني يلي جاني ترررررربح كل شي ولا تغصبني ع ولد خالتي كل شي ولا هو ترررررربح كل شي ولا واحد منهم اسامه ولا رامي الا هما يافوااز الا همااا ترررربح اوخيي اغصبني ع اي حد اي حد الا اسامه ولا رامي اي حد قابله ان شاء لله نوري قاااابله قااابله المهم مش هما ترررربح ولله تعبت منك تعبت يااارب نمووووت ( بدت تبكي بقوة)
فواز( تنهد وخدا مفاتيحه وطلع )
تغريد( تبكي بقوة) : فواااااااااز
فواز( بصوت عالي) : غصب عنك تقبلي بيه ورايي مش متراجع عنه ودموعك ماتغفرلك ( كمل طريقه متجاهل بكاها المرير)
..
..
سامي( خش للمربوعه وهو رافع صفره فيها قهوة ومدله وقعمز قدامه وهو يشوفله من اول مادخل ماتكلم ومستغرب جيته وفضل يسكت بس طال السكوت وحتى القهوة بردت ) : اشرب قهوتك بردت.... تكلم وانا نسمع فيك
انس: يمكن ماتعرف شن صاير انا
سامي( قاطعه) : نعرف كل شي تقريبا
انس: لله يبارك فيك اختصرت عليا مشوار طويل ف الشرح
سامي: لله يسلمك بشن نخدمك يا انس
انس: طلب صغير بس
سامي: قول يا صاحب
انس: بنت خالتك طمني عنها
سامي: اظن عيب تسأل عنها وهي رفضاتك
انس: غصب رفضت مش بارادتها
سامي: المهم مافي نصيب بينكم
انس: مش متخلي عنها انا وبعد وقت بنرجع نخطبها
سامي: انس نقلك شي هي راه يمكن بعد ايام تكون مخطوبه
انس( بعصبيه) : من هوو رضا صح
سامي: مش رضا حتى رضا بيخسرها
انس: من هو قولي
سامي: وشن بدير لو عرفته
