الحلقه{44}
.
.
ربيع( يكلم ف جنان) : حبيبتي ولله مشتاااقلك ليا زمااان ماشفتك
جنان: ولله مافاضيه وانت عارف
ربيع : نبي نشوفك تو تو حتى شوي
جنان: ربييع ولله مش فاضيه بكلل بعدين وين بنشوفك والناس اكل هنا
ربيع: ولله نزعل
جنان: قلتلك مش فاضيه ولله
ربيع: زعلت
جنان : ربيع
ربيع: زعلت
جنان: اووه ربيع خيرك
ربيع: انا زعلان
جنان: ربيع ولله مش فاضيه .... ربيع ... ربيع .. اووف خيرك انت هكا
ربيع: مش راضي انا ابدااا
جنان: ربيع خيرك ولله صععب الناس اكل هنا
ربيع: مش راضي الا بشرط
جنان: شن ولا تقول تعالي
ربيع: ياتعالي ياتقولي حبيبي
جنان( بخجل) : لا
ربيع: شن لا خيرك هكا ولا مرة سمعت منك كلمه باهيه نزعل بكل راه
جنان: ازعل
ربيع: خيرك هكا جاافه
جنان: لله غالب ماصبت عليا المطر
ربيع: جنوني تربحي مرة قوليها
جنان: لا لين نصل لعندك
ربيع: خلاص مالا بندير العرس الخميس الجاي
جنان( شهقت ) : لاااااا
ربيع: انت ماتبي تقولي تحملي مايجيك قولي تو ولا العرس الخميس
جنان: اوف انت تستغل فيا
ربيع: قوولي
جنان( بغيض) : حبيبي بااه
ربيع: هههههه حلووة حتى وانت معصبه ههه قولي نحبك
جنان( بغيض) : مش مقايله سلام نحبك( سكرت الخط وبدت تضحك)
ربيع( مصدوم) : قالتها ولا انا نتخايل هههههههه ولله قالتلها
..
..
مشوا للهرابات وحاولوا الشباب يديرو مقلب لفتحي لكن هو تحلف فيهم وهما خااافوا
فواز( بعد وقفوا قدام حوش فتحي) : شبااب لازم نديروله مقلب
مصعب: اي لازم من المقلب
فواز:اممم شن رايكم نفصلوا ضي الحوش
رضا: ههههه حلووووة
مصعب: اكييد مش حاط احطياطاته لا شماعي ولا بيله شحن
الكل: هههههه
صهيب: لا حرام عليكم ليله عرسه مظلمه
فواز: هههههه لا ولله جووووو
