.
.
جاي معصصصب : يامصاااايب يلي ماتتحشمووا من دار هالمقلب تكلموووو
رهف( بخوف) : اي مقلب
نوري( بعصبية حااده) : ماتنكروش انتم يلي درتوها معاذ قال ماتتحشموو ع وجوهكم صغار انتم ( شاف لنريمان يلي وراء تغريد بعصبية) : تطلعي الا انت يامصيبه
نريمان( بخوف): قسم بالله ما انا
نوري( بعصبية) : تكلمووووو من التافهااا يلي فكرت ف الموقف
تغريد( عصببت) : احترررم نفسك وانا يلي درت المقلب شن بدير هي
نوري( بصدمه) : انت؟؟
تغريد( بغيض) : اي وكان ندري بتجي فيك مافكرت فيه اصلااا
نوري( بهدوء) : معش تعاوديها ( لف ومشى)
تغريد( انصدمت والبنات مصدووومات)
رهف: شن قاااال؟
نريمان: معش تعاوديهاااا؟؟
تغريد: هههههه هذا يلي اكل خايفين منه ومرعوبين حتى من اسمه هههههه
رهف: هههه هذا مرات لانك انتي ماعصب
تغريد( بعصبية) : شن قصدك بيهااا
رهف: ههه اساليه انا ماندري
تغريد( بعصبية) : شن قصدك بيها اه قوولي
رهف: ههههه نبصر وانت طول تعصبي
راما: احرف منه هي
نورة اخت نوري : هههه طنجرة ولقت غطاها
تغريد( بغيض) : هذا وانا نبي ننتقم منه ليك انت يلي ديما تشكي منه
نورة: ههههه ع اساس تعرفي انها بتجي فيه هههه
تغريد: المهم جت فيه ( لفت للبنات) : هي نريمان وروان ومنار نبيكم
جودي: شن تبيهم
تغريد: بنهدرزوو عادي
) مشو بعدوا ولفت تغريد للبنات) : روان اتصلي باسامه
نريمان( خافت): شن تبي منه
تغريد: ضروري نفهموه القصه قبل مايقول لحد
نريمان: قسسم بالله لما شفته جاي ومعصب قلت اكيد اسامه قله وجاي بيقتلني
تغريد: ههه الحمد لله ما اعترفتيش قدامه قبل ماتعرفي علاش معصب
روان: ههههه ماتعترفش لاسامه وتعترف لنوري
تغريد( ابتسمت لنريمان): يمكن اسامه غير عن نوري
نريمان( انصدددمت تغريد شاكه ف حبها لاسامه)
تغريد( ابتسمتلها ولفت لروان) : كلميه
روان( خدت نقالها وكلماته ) : الو
اسامه( بغضب) : شن تبي؟؟
روان: نبيك شوي تعال
اسامه: نتفاهمو ف الحوش
