رواية همس العيون
الجزء الثاني
#الحلقة السابعه
💔هذه المره سأحاول أنّ أحبُ حزني لعله يرحل مثل باقي الأشياء التي أحبها 💔
رامي "متكي ع السيارة ورافع رجله : ياراجل خليك مني وفكر ف روحك
سامي: علاش نفكر ف روحي الحمد لله خاطب وحوشي واتي وماعليا غير نحدد العرس اما انت لا تحركت ولا اشتغلت ولا حتى كملت قرايتك مش معقول هكا العمر يفوت وانت واقف
رامي: لا واقف لا شي حاط اوراقي ف كل جيهه وماصدفش الحظ ونخدم .. والقراية فديت منها وكرهتها
سامي: ان شاء لله تحصل خدمه وتخدم لكن اهم شي راه الشهاده لازم تكمل
رامي: ساهل وقت يجي فيها النية نكمل
سامي: ههه شن هي بالنية
رامي: ههه انما الاعمال بالنيات ولما مافيش نية يعني نقعمز خير
سامي: به ع الاقل اطلع غير جو وانت 24 ساعه ف الحوش وع النت وداك راسك حتى الشباب يسالوا عليك
رامي: معش عندي خلوق لحد
سامي" بجدية: رامي الحياة ماتتوقف عند حد خلاص كل حد ونصيبه لازم ادور ع نصيبك وتلهى فيه
رامي" سكت"
سامي: يارامي ولله حاس بيك لكن به هي شن بيغير الامر مامتغير شيء وهي مش رح ترجعلك وحرام تفكر فيها لتو
رامي" بالم يعصر قلبه: صعب النسيان مش ساهل
سامي: حتى لو صعب حاول قد ماتقدر وافضل شي تخدم وتخطب وتلهى وتنساها
رامي: اه ان شاء لله
...
...
تغريد " بفرح: الحمد لله ع سلامتها يتربو ف عزها
خلود: امين يارب ولله فرحتلها الفرخه بدت ام لبنتين
تغريد: هههه ولله يا دنيا تو كانوا صغار هي ومروان ونضحكو عليهم لما يلعو مع بعض ولا مروان يدافع عنها
خلود: لله حب منذ الطفوله مافيش اجمل منه
تغريد" بخبث: منذ الطفوله ها راه نوصله لسامو
خلود" ضربتها : ياحمارة تبي تفسدي بيني وبين خاتيبي سمسوم
تغريد: ههههه ماينفعش معاك الدلع بعدين شن حب طفوله ماطفوله انت المفروض تضربي المثل بحب الكولولا
خلود: وكلوله شن
تغريد: ههه قصدي حبك انت وسامو مش ف الكلية ندلع ف الكلية
خلود: ها ها ها بارده المهم سمعتي
تغريد: وانت ديما عندك الاخبار شن ماسمعت شيء
