الحلقة[69]
.
.
خلود( بعصبيه) : فوااز يعني من
اريام( بخوف اكبر ) : خيره قووولي شن فيه ؟؟
خلود : انت شوفي بعينك
اريام : قوولي شن فيه
خلود( بعصبيه) : واقف يضحك مع بنتين تو شفناه ف الممر
اريام( بصدمه) :كذابه
خلود( بعصبيه) : وعلاش بنكذب عليك اه بري شوفيه كان مش مصدقه بري شوفي بعينك لا وقلها اصبري سجلي رقمي نتعرفوا اكثر
اريام(طول بدت تبكي) : لا لا فواز مايديرها
خلود( بغيض) : تي دارها وفااات برى برى شوفي شن بنكذب عليك بري شوفيه
اريام( تبكي) : نشوفه في هالموقف لاا مانقدر
خلود( بعصبيه) : قسم بالله قريب قتله ع اساس يحبك ومش عارفه شن المفروض حتى كان بيدير شي يديره بعيد مش ف نفس الكلية شن هذااا
منار: اي صح ولله انا مصدومه ماصدقت يلي شفناه
اريام ( قعموت تبكي)
خلود( قعمزت جنبها) :طزز فيه ما ادوريهش اصلا واحد زي هذا مايستحقش تنزل دمعه منك
منار: حبيبتي خلاص انت كلميه وافهمي منه
خلود( بعصبيه) : شن تفهم منه بعد شفناه بعيوننا يكلم فيهم ويبي رقمها باش يتعرفو هذا شن يقولوله بالله قسم بالله كان مش ولد عمي لطيحت بكرامته قدامهم...
اريام( رن نقالها وقفت)
خلود: وين ماشيه
اريام: بنروح ( مشت طلعت وركبت مع بوها وهي تحس ف روحها بتموت اول ماوصلت للحوش بعثث رساله )
{{ كنه عدا ؟؟ 💔عزيز مايجيني في المنام انعده💔
انقول لله لا تسامحه لا ترده💔ومربوحه بعد خان الغلا ورخاني
راك ياقريني الباب مايتسده💔 وتبدا على روحك ايروحك جاني
كل يوم اتخايلك ع المخده💔 وكل يوم ف هموم القديم اتعاني💔
وكل يوم يتولي نقيض وضده 💔وانت فزعته والخصيم الثاني💔
لذالك خلي عقاب موده💔 ذكرى جميله من غلاك الفاني💔
انتهت قصتنا واكتشفتك ع حقيقتك خااااين يافواز خااااااين 😭نكرررهك 💔 }}
فواز( كرر الرساله اكثر من مرة وتأكد من رقم اريام وهو مصدوووووم منها بعد عن سامي ومجاهد يلي واقفين ف الممر واتصل بيها وماردت اتصل حاول اكثر من مرة وماردت عصصصصب وطلع البرى يدور عليها ومالقاهاش شاف خلود ومنار واقفات مشالهم)
منار( بخوف) : هذا خيره جاينه
خلود : مش عاارفه
منار: حييي مرات اريام قالتله احنا قلنالها
فواز( بدون مقدمات) : وين بنت عمتك
خلود : روحت
فواز( صععععب ولف وطلع )
