الحلقة{65}
.
.
.
مصعب وسامي( ف مربوعه مصعب)
سامي: وامتى ناويين العويله يمشولها
مصعب( والابتسامه ع وجها) : غدوة اكيد بنرفعهم يخطبوها
سامي: ان شاء لله
مصعب : وعقبااالك
سامي( ابتسم) : امين
مصعب ( رن نقاله شافه لقاه رقم رضا رد ) : ايوااا ابو الروض.... ( بصدمه) : شنننن امتى ... وين هو.... تم بارك لله فيك ( قفل الخط ولف لسامي) : رضا دار حادث
سامي( بخلعه) : امتى وشن صارله
مصعب: مش عارف مش عارف قال قبل شوي وقال هو ف المستشفى لين سعفوه فيه نفس
سامي( وقف بخوف) : هي نمشوله
مصعب( وقف ) : خلي نقولوا لفواز وصهيب
سامي ( وهو ماشي) : كلم صهيب ونمشي انا لفواز ( طلع وجا ماشي لحوش فواز لمح خلود طالعه من حوش جدها)
خلود( شافتله ووقفت)
سامي( لف عنها وكمل طريقه)
خلود( ابتسمت )
سامي( خش لسور فواز لقاه مقعمز وحاط ايده ع راسه مشاله ) : فواز
فواز( منزل راسه ومايبي يتكلم)
سامي: ان شاء لله يكون بخير نوض نمشوله وان شاء لله ماصارله شي
فواز( رفع راسه) : من هوا
سامي: رضا
فواز( وقف بصدمه) : خيره رضا
سامي: نسحابك سمعت انه دار حادت
فواز( بخوف) : شن صاارله هو تو كيف طلع
سامي: مش عارف كلموا مصعب وقالوله
فواز( بخوف) : ربي يستر ياااارب يكون بخير (مشى ولحقه سامي وشاف الشباب جايينهم ركبوا ف سياراتهم ومشوا للمستشفى)
..
..
تغريد( من روحت للحوش وهي مصكرة الدار وتبكي تحس ف قلبها يوجعها عاارفه انها جرحت رضا بس هذا افضل شي باش تخليه يكرها لانها متأكده انها مش رح تكون ليه ف يوم خدت نقال منال يلي ف الدار واتصلت )
وئام: الو
تغريد( بصوت رايح من البكا) : وئوم
وئام: غروووده ويييينك يابنت ولله مستاااااحشااااتك نقالك مقفل والرسائل نبعت لمنال وماتردي وهي قالت انك مريضه حتى ننشد عليك ف قريباتي ف لكلية قالوا معش جيتي ولله قررريب جيتكم لحوشكم ع رجليا ... تغريد خيرك فيك شي
تغريد( بدت تبكي)
وئام( وقف قلبها من الخوف) : شن صاااار قووولي
تغريد(تبكي) : تعباااااانه بنمووووت ياوئام خلاااص بجد خلااص قلبي يوجعني معش نتحمل الوجع
