الحلقه (70)
.
.
مر اسبوع الاول من الامتحانات
تغريد( تخطت الازمه والضيق يلي حساته لما سمعت ان انس رجع خطيبته .. بدت تدعيله بالخير وقررت تنساه نهائيا وتبتعد عن اي شيء يذكرها بيه)
جودي( حالتها الصحية والنفسيه متدهورة وتعبت هلبا ف الامتحانات حتى الاجابة كانت اقل بهلبا من مستواها .. وتزيد سوء كلما تشوف رامي او تسمع صوته وبدات كان حاول يكلمها وهي تتهرب منه باش ماتبكيش قدامه)
رامي( كان مستغرب من تصرفات جودي حتى انه حاول يفهم منها شن صاير بس للاسف مافهم شيء )
رضا( كل وقته ف العمل ويشغل ف نفسه بكل شيء .. قليل ماحد يشوفه)
والباقي مكرسين جهدهم في الامتحانات
..
..
يوم السبت صباحا
تغريد( ركبت في السيارة معاه ) : صباح الخير
فواز : صباح النور
تغريد: مفروض في الامتحانات كل يوم تجيني ترفعني
فواز : ههه تدللي بس.. عاد اخر سنه
تغريد : هههه شن تجاوب ؟
فواز : الحمد لله
تغريد : شن اخبار سامي؟
فواز : تمام
تغريد( بهدوء) : فواز سامي زيه زيك بالنسبالي راه مافيش فرق غير انت خويا وقدرك اعلى وحبك اكبر لكن حتى هو زي خوي
فواز( بهدوء) : ورضا !
تغريد( انصعقت ماتوقعت هالسؤال )
فواز( شافلها ورجع شاف لطريق) : ها ورضا شن ؟؟
تغريد( بثوثر) : زيكم
فواز: من اي ناحية فيه راه نواحي هلبا
تغريد( حست براحه لما وقف قدام الكلية باش تهرب من الاجابه) : زيكم من جميع النواحي هي سلامتك برى عن تعطل ع الامتحان ( فتحت الباب ونزلت)
فواز( تنهد ) : اه قداااش ماكنت غبي ومانفهم مش عارف كيف ماركزت ع تصرفات رضا واضح يحبها لكن يلي مش واضح تغريد عندها مشاعر اتجاهه ولا لا ( حرك السيارة ومشى وهو يفكر ف رضا .. الفترة هذه تغير هلبا وبدا معش يجيهم لاهي الا ف العمل وخلاص ..كان يحس بالم اتجاهه ومايدري شن السبب بالزبط)
..
..
ربيع( يكلم بالنقال) : تي ياراجل لامتى بتقعد هكا تعاني ف البنت بروحك ... حتى لو امك حية انت لازم تتزوج تجيب مرا تهتم بيك انت واياها .. اوووف بلاش كلام ورفيس هي قريب تاخد بعد طلقتها وانت بتقعمز تنذب حظك... اساااامه يا اسااامه معش تفكر هكا ان شاء لله بنتك تجيها وحده تكون امها بدل امها يلي حذفتها عليك.... به اخطب بنت خالتك ...(بعد النقال عنه من قوة صوت اسامه ورجع دره بعصبيه) : صمخت اوذاني اسمع كلام هذا معش تكررها لا اختك لا واحد اخطبها وتو معش تبدا زي اختك ... من الاخير ولله ماتلقى وحده تحبك وتقدرك ومستعده ادير كل شيء ع خاطرك زي بنت خالتك ... اوك تم معش نفتح هالموضوع برى لعملك ( صكر عليه بغيض) : ربي يهديه هالمجنون
