♡ هــمــــس الـعــيـــون♡
الحلقه الخامسة
.
.
يوم الجمعه في حوش الجد مجتمعين
تغريد: وين ارومه ليكم مدة ماجيتوش؟
اريام: عارفه الوضع
تغريد: هههه يلي عارفاته ان خوك رضا مش فاضي بيكم فاضي بس يدور ع المدارس
اريام: اي ولله صااادقه
تغريد( بكره) : ربي يهديه
.
.
.
فواز ورضا ومروان واقفين البرى
فواز: امنين جاتك وفكرت تجينا هنا
رضا: ولله قبضوني
فواز: ههههه قول قبضاتك
رضا: ولله بلوة بليت بيها وتهدد ثاني
فواز: هههه ماحد قادر عليها غيرك
رضا: اي ولله وكله من اختك عبت راسها
فواز: جنااان لا لا جنان هدوووءة
رضا: نقصد اختك من الرضاعه
فواز: ههههه تغريد اي ولله تغريد ماحد يقدرها
رضا : ربي يعين
مروان: الحمد لله ماعندي خوات زي خواتكم
رضا: اي سعودك ولله
مروان( صرخ) : لااااا رحنا فيها
فواز: هههههه تو تروح تلقى خواتك شادين عصا ويهددو بيضربوك
مروان( دار روحه يبكي) : اهئ اهئ رحت فيها وضاااعت هيبتي
فواز: ههههه ياحرااام
رضا( عصصصب): تسكت انت
ربيع( جاهم) : السلام
.
.
.
اريام: بنات خلونا نمشو لاروى نباركولها
تغريد: هيا
لبسوا عباياتهم وطلعو
جنان( شافت الشباب واقفين وخرت)
تفريد: خيرك
جنان: الاولاد البرى
تغريد: تي فوتي فوتي شن تتحشمي منهم هذم ( فاتت تغريد الاولى ) : لسلام عليكم
الاربعه لفولهم وابتسمـــــــو وكل واحد في خاطره ^^
ربيع: ياهلاا هلا ولله ببنات عمي وبنت عمتي
تغريد( بتطنيشة) : اهلا
رضا: تغريد كيف حالك
تغريد( انصددمت علاش يقلها هي بس .. وعصصبت) : بخير
رضا( ابتسم) : وانا تمام التمام
تغريد( ف خاطرها ماحد سألك مكروووه)
فواز: اريام كيف حالك؟
اريام( نزلت راسها وتحشمت) : الحمد لله
فواز: دووم وانا الحمد لله
مروان : كيف حالكم كيف حالك ياندى؟
ندى( ابتسمت بحب ): تماام وانت؟
مروان( ابتسم ): وانا تمام
خلود( عصبت): فيه ناس اعماهم سلمو حتى بالكذب
ربيع: اوووه بنت عميي خيرك عصبتي .. كيف حالك ياجنان؟
خلود( عصصبت والكل ضحكوا عليها)
تغريد( اضايقت من نظرات رضا ليها) : هيا بنات
رضا: وين ماشيين؟
تغريد( بغيض) : مادخلكش
فواز: هههه لقط سنونك .. انا خوها وانا نسأل وين بتمشوا؟
تغريد( رفعت حاجبها): وانت ماليكش دخل ياخوووي العزيز
رضا( ضحك بقووة): لقط سنونك انت الثاني وراك تاخد سن من سنوني
فواز: ههههه لا تخافك سنوني بيض ينعرفوا
البنات جو ماشيات
ربيع: جنان وين بتمشوو؟
جنان( متحشمه): لحوشكم
ربيع( ابتسم): تنوروووه
تغريد( عصببت): لاش مقايله
ربيع( رفع حاجبه) : شن تسحابيها زيك ماتعرفش ترد باه
تغريد( عصبببت ) : هيا سقدونا
ربيع( جا ماشيلهم) : نسقدكم
الكل ضحكو عليه: ههههه
تغريد( بعصبية) : ريح عمرك ( ومشت ولحقوها البنات)
رضا: هههههه تهببل
فواز( بعصبية) : رضااا احترم نفسك
رضا( خاف وسكت )
.
.
يوم السبت في كلية تغريد
.
.
تمت محاضرتها وجت نازلة بروحها لان صاحباتعا ماخشوش للمحاضره نزلت من الدروج وكان فيه اولاد ف نهايته وانتبهت لشخص لابس ابيض معاهم فز قلبها وفي خاطرها) : انس ولله يفز قلبي لشوفتك ( نزلت وهي عيونها عليه .. لفلها وابتسم وقفت ف الدروج وحست قلبها بيطيح من الموقف نزلت عيونها وحاولت تتجاهل الشعور ... نزلت وصلت لاخر درجه رفعت عيونها كان انس مقابلها مايفصل بينهم الا خطوات وهو يبتسم لها.. انصدمممت من موقفه وخاافت ينتبه احد الطلاب لهم بعداته بايدها ومشت بسرعه طلعت وتنفست بقوة ... حست بايد ع كتفها لفت وشهقت بقووة ) : اهييييئ
رهف: هههههه خيرك شن صابك
تغريد( ضربتها بعصبية) : حماااره خلعتيني
رهف( بابتسامه) : ويين كنتي سرحاانه قصدي ف من؟
تغريد( بعصبية) : حددد
رهف: تغريد امبكري نرن عليك ونقالك مقفل
تغريد : كنت في محاضره
رهف: كنت نبيك تشوفي ايهاب
تغريد( بابتسامه خبيثه) : ايهاااب
رهف( تحشمت ) : اي
تغريد: وشن صار معاكم قوولي
رهف: كان يدور هنا وكل شوي يقابلني
تغريد: وينه نبي نشوفه
رهف: روح
تغريد: واااك فاتني الجووو
رهف: مرة تانية ان شاء لله تشوفيه
تغريد( ابتسمتلها) : اهمم شي انت تشوفيه
رهف: تعرفي من امس سمعت انه بيجي بس كذبت
تغريد: كييف سمعتي
رهف : امس لما روحنا كل شوي يخطم علينا بالسيارة وقالت مها لما انا وصلت للحوش وهي كملت قالت هو وقف السيارة قدامها وقلها قولي لصاحبتك موعدنا الساعه 11
تغريد: وااو وجا حق الساعه 11 اليوم
رهف: 11 بالتماااام
تغريد: لله لله ع الحبب
رهف( ابتسمت )
تغريد: يااارب يااارب يكتبه من نصيبك ونشوف صغااار صغااارك
رهف: امييييييين ياااارب ونشوفك مع من تحبي
تغريد( خدودها بدو حمر)
رهف( بخبث) : خيره وجهك احمر ولا تحشمتي
تغريد( عصبت ) : انا ماعندي حد نحببه فااهمه هيا تحكي للكفيتيريا ناخدو شي ( مشت ولحقتها رهف وهي تبتسم )
العشية الشباب مجتمعين في حوش صهيب
وسيم: هههههه ولله في الشك تعيش
صهيب : معقول ماتاكلش؟
فواز: ههههه مش فااضي
توفيق: مش فاضي ياكل؟
فواز: هههه 24 ساعه شاد النقال مش فاضي ياكل هههه
رضا: هذه رشاااقه
فواز: ههههه شن بنت تبي الرشاقه ههههه بعدين هذه مش رشاقه شوف روحك هيكل عظمي
مصعب : ههه وع حاافه القبر
رضا : خير من الناااس السمينه
توفيق : شن قصدك؟
رضا : ولله يلي فيه شوكه ينخصه ههههه بعدين انت سميين
توفيق : مش سمين انت يلي في الشك تعيش زي الصومال
فواز( رن نقاله)
رضا( قرب منه) : من ؟
فواز( غطة نقاله) : حوول مادخلكش
رضا : اممم بنت
فواز : اكيييد
رضا : ع اساس ماتكلم في البنوت
فواز : هذه غيييير هذه اغلى من روحي ( رد) : هلا هلا ياعمري كيف حالك وشن امورك
تغريد( مصدوومه) : فوااز خيرك شن فيك؟
فواز : ولله فيا شوووق نبي نشووفك
مصعب : وااااو شن هالكلام اطللع يااا
رضا : خليني نتعرف عليها
فواز( وقف وطلع)
رضا: تعااال جااي هرب باش يكلمها ع راحته
مروان: وشن حاسده سادك يلي عندك
فواز: هههههه
تغريد: شن صابك
فواز: ههههه نبصر ع الجماعه زعميتني نكلم في بنت
تغريد : وشن شايفني ولد
فواز: ههههه واحلى ولد
تغريد( عصبت) : به به تو يباااانلك
فواز: هههه خيرك معصبه هذا وانا شكرتك
تغريد: اسمع كانك فاضي تعال
فواز : مش فاااااضي بس شن تبي
تفريد: نبي نمشي لخوالي وخوتي مابوش يرفعوني
فواز : وانا شن علاقتي تشكيلي
تغريد ( عصببت) : ولا شي كاليكش علاقه ابدا
فواز: ههههه خيرك عصبتي
تغريد: هكااا
فواز: وشن تبي متصله بيا
تغريد: مكسيده
فواز: وشن بنديرلك
تغريد: فواااااااز
فواز: هههههه كيخ عليك .. شن تبيني نوصلك
تغريد( بزعل) : شكلك مش فاضي اكيد مع جماعتك
فواز: اي تبي نسلملك عليهم
تغريد: لااا شن تسلم عليهم
فواز: هههه عااادي وشين عمامك وعماتك
تغريد( بغيض ) : ماتسلم ع حد
فواز: هههه به شن تبي مش تبي خوالك بري شن تكلمي فيا
تغريد( عصصبت) : بنمشي ع رجليا ولا كيف
فواز: هههه نجي نلقاك واتيه
تفريد: احنا واتيين بس تو بنمشي نبدل ونقعمز ف الحوش
فواز: ههههه خيرك
تغريد: شي سلاااام ( سكرت الخط)
فواز: اووه
الشباب : طلعو
رضا: اوووه خيرك ولا غضبت منك
فواز( بغيض) : اي غضبت من عينك القوية
الكل: هههه
مصعب: من هذه؟
فواز: تغريد
الكل: ههههه
فواز: شن يضحك فيكم
مصعب: قوية كعادتها
رضا: وشن درتلها لين غضبت
فواز: نتبرد عليها عصبت بنمشي نراضيها
مصعب: هههه يالحنووون انت
رضا: طبعااا هذه تغريد من يرضى ع زعلها
فواز( عصب) : رضاااا
رضا( حط ايديه ف جيوبه) : ماقلت شي انا
فواز( شافله بغضب)
صهيب: نستنوك
فواز: لا برو تو نلحقكم
رضا: نجي اعماك
فواز( بغيض) : وين تجي اعمايا خليك مكانك ( مشى)
سليم: قسم بلله ماتتحشم ع وجهك
رضا: انت اخر واحد تكلمني
صهيب: عنده الحق كيف تقول هالكلام وقدام خوها
رضا( مشى فاتهم وفي خاطره: نقول حتى قدام بوها مايهمني هذه تغريد الحب الاول والاخير)
.
.
.
🌹انتهت الحلقه🌹
رايكم يهمني حبايبي ارجوووكم علقو ع روايتي 😢😢😢😢😢😢😢😢😢😢
