الحلقة {20}
.
.
ﺇﺫﻥ ﻫﻮ ﺍﻟﻤﻮﺕ💔
ﻫﻮ ﺍﻟﻤﻮﺕ ﻳﺎ ﺃﺧﻲ ﺛﺎﻧﻴﺔ ﻭﺛﺎﻟﺜﺔ… ﻭﺭﺍﺑﻌﺔ .. ﻭﻟﻴﺴﺖ ﺃﺧﻴﺮﺓ💔
ﻫﻮ ﺍﻟﻤﻮﺕ ﻳﺎ ﺃﺧﻲ💔
ﺃﺣﻔﻆ ﻣﻼﻣﺤﻪ ﺟﻴﺪﺍ ﻭﺃﻋﺮﻑ ﻣﺮﺍﺭﺗﻪ💔
ﻟﻜﻦ ﺍﻟﻤﻮﺕ ﻫﺬﻩ ﺍﻟﻤﺮﺓ ﻟﻴﺴﺖ ﻗﺼﻴﺪﺓ ﺣﺰﻳﻨﺔ ﺗﻨﺰﻓﻬﺎ ﻓﻲ ﺍﺫﻧﻲ💔
ﻭﻻ ﺣﻜﺎﻳﺔ ﻣﺮﻋﺒﺔ ﺍﺳﺮﺩﻫﺎ ﻋﻠﻴﻚ 💔
ﻭﻻ ﻧﺒﺄ ﻳﺼﻠﻨﻲ ﻓﺄﺳﺘﻘﺒﻠﻪ ﺑﺎﻟﺪﻣﻮﻉ💔
ﺍﻟﻤﻮﺕ ﻫﺬﻩ ﺍﻟﻤﺮﺓ ﻳﺎ ﺃﺧﻲ ﻳﺨﺘﻠﻒ 💔
ﻓﺎﻟﻤﻮﺕ ﻫﺬﻩ ﺍﻟﻤﺮﺓ ﻫﻮ …
💔 ﺃﻧﺖ 💔
تغريد( طول الطريق سانده راسها ع روشن السيارة وتشوف لطريق وتذكر كل المواقف يلي مرت بيها مع خوها محمد .. ذكريات الطفولة.. مواقف محزنه .. مواقف مضحكه .. مواقف مرعبه .. مواقف كثيره لا تعد ولا تحصى .. ف كل موقف تحس قلبها ينعصب مليون مرة .. غمضت عيونها لعلى وعسى تبكي وترتاح .. بس للاسف القلب مجروح والعين ماتبكي 💔
وصلوا للحوش نزلت شافت نساوين عمامها وبنات عمها و 8عمامها واولاد عماهما والكل مجتمعين ويستقبلو فيهم ويبكوا ... الكل صار يبكي بقوة .. الموقف محزن ويبكي الحجر .. الا هي مابكاها .. كانت تلتفت ف جميع الاتجاهات وتناظر ف وجوه الشباب لعلى تلقى محمد بينهم .. يمكن شوي ويجي يستقبلها .. يمكن هو ف مكان وشوي ويطلع .. يمكن ويمكن ويمكن.. صارت تفكر وانعزلت ع العالم يلي حولها .. هل هو جنون او صدمه او غباء هي بنفسها ماتعرف يلي تفكر فيه شن هو
.
.
فات اسبوع ع موته وهالاسبوع مر كانه غمامه سوداء ع الجميع ...
سعيد يلي كان مع محمد ف الحادت تحسنت حالته وطلع من المستشفى
تغريد( كانت جالسه ف الصور تحت شجرة زيتون ضامه رجليها ومتكية عليهم ومنزلة راسها.. جا واحد وحط ايده ع اكتافها وهي ولا حركه جلس جنبها وقعد اكثر من عشر دقايق بدون كلام )
فواز( بتنهيده من قلب ) : اااه غرودتي ارفعي راسك
تغريد( ولا حركه)
فواز( بغصه) : اسبوع ولا حد سمع صوتك ولا تاكلي ولا تشربي غروده تربحي اهتمي بصحتك لازم تهتمي بصحتك انت هكا بتموتي ..( حاول يرفع راسها وخلاها تشوفله) : تغريد ابكي وارتاحي لا تقعدي هكا تعذبي ف روحي ابكي ابكي صدقيني ترتاحي
تغريد( بصوت مرهق) : فواز تربح نبي نشوفه تربح.. نبي بس لحظه نشوفه.. لحظه نودعه.. لحظه بس.. نقله يلي ف خاطري ولو كان ميت بس لحظه تربببببح
فواز( بغصه) : مااات ياتغريد ودفنوه كيف تبي تشوفيه
تغريد: تربح فواز وربي خاااطري نشوفه نظرة بس لوجها ولله مستااااحشااااته ليا سنه واكثر ماعدت شفت وجها تربح فواز تربح بس نظرة
فواز( بحزن وغصه ) : تغريد مااات نقلك مااات كيف بنشوفيه نظرة !! خلاص هو تحت التراب دفنووه خلاص معش تقدري تشوفيه
