[واقعية]
للكاتبه وميض الليل
⚠ممنوع نشر رواياتي
الحلقه الثالثه
وكثر م أحبھ الله يبقيھ لِي
لين تغمض عيني قبل عينھ💓
...
ثالث يوم العيد:-
خلود" واقفه بثوثر تحت شجرة ف ارضهم : تغريد فكينا خلاص ماصارش
تغريد: ههههه شن هو يلي ماصارش
خلود" شاده بطنها يلي تمغص فيها: لا خلاص ولله خلاص بنمشي معش نقدر
تغريد" شدت ايدها: تي اقعدي هنا شوي ويوصل
خلود: لا لا يما تغريد نخاااف
تغريد: ههههه يابنتي لا تخافي مش ياكلك بعدين انا معاك
خلود" ضربتها : بلا ضحك ولله مش قادرة نوقف بنطيييح
تغريد" بخبث: بس يجي طيحي ف ح
خلود" صكرت فم تغريد بايدها قبل ماتكمل بغيض: وقحه
تغريد" بعدت ايد خلود وتضحك: ههههه ولله مجنونه اصبري هاهو يرن "شدت ايد خلود : اقعدي مش تهربي
خلود: قله ماصارش
تغريد" ردت: هلا سامو .. اي هنا ف الحوازه [الارض] بسرعه تعال " شافت لخلود: ههه ماتعطلش "صكرت الخط "
خلود" بثوثر: تغريد خلاص ولله مانقدر بنمشي
تغريد: اقعدي هنا خلاص وصل هو بعد ماجا تبيني نقله خلاص ماصارش .. هاهو جا "شدت اكثر ف ايد خلود باش ماتمشيش وابتسمت وهي تشوف سامي يمشي باتجاههم يرفع عيونه وبسرعه ينزلهم "
سامي " وصل قريب منهم وهو مثوثر: السلام عليكم
تغريد: وعليك السلام
سامي: كيف حالكم
تغريد: الحمد لله وانت ؟
سامي: بخير "شاف لخلود وهو مثوثر : كل عام وانت بخير
تغريد" شافت لخلود يلي شاده ف ايدها بقوة ونخستها: تكلمي
خلود" والصووت يادوووب ينسمع: الحمد لله
تغريد" ماقدرتش تشد ضحكتها: هههههه قلك كل عام وانت بخير شن الحمد لله ههه
سامي" ابتسم وشاف لتغريد يبيها تسكت"
خلود" غرست اظافرها ف ايد تغريد من الحشمه : وانت بخير
تغريد " لهمس: ايدي يامصيبه "شافت لسامي يلي شوي يشوف لخلود ويبعد عيونه بسرعه .. ابتسمت ع براءتهم : ها سامو شن اخبارك وشن امورك
سامي: الحمد لله تمام انتم شن مدايرين
تغريد: انا تماااام وهي بخير .. معليش مطره نرد بدالها يقول المثل القط اكل لسانها هههه
