الحلقه{ 15}
.
.
جنان ( منزلة راسها) : السلام
ربيع ( وقف) : وعليك السلام ( قرب منها ومد ايده)
جنان( من الصدمه سلمت عليه )
ربيع( شد ايدها ببتسامه) : كيف حالك جنان
جنان ( بعدت ايدها بسرعه وهي تحس دقات قلبها تعلى وكان اول مرة تسلم ع ربيع) : بخير
فواز: قعمزو
قعمزو مقابلين بعض
ربيع: شن امورك جنان
جنان( بهزوة نست ثوثرها قبل شوي) : زي ماشايفني
ربيع( ابتسم) : شايف انك فرحاانه وبطيري من الفرح
جنان( بهزوة) : معناها اعمى
فواز( عصب) : هييي انتي
ربيع: هههه خليها خيرك مامشيتيش للكلية
جنان: ولله بالك نستنا ف حضرتك
ربيع( غمزلها ) : ايوااا
جنان( عصبت منه ) : اوف
ربيع: نبيك عاد تقري وتجتهدي وتنجحي من الاوائل.. وانت عارفه ان حوشي مزال يعني نستناك لين تكملي
جنان( بهزوة) : ولله انا يلي شورني بنستناك
ربيع : هههه مستعجله عادي نكرو كرى
فواز: هههه
جنان( انحرجت ووقفت) : هي انت
فواز( بعصبية) : قعمزي احسن ما انادي فتحي
جنان ( قعمزت بغضب) : اسمع لا تزودها خيرلك
ربيع: هههه عادي خطيبتي وخوها وماقلت شي عيب .. بعدين تو نكمل بسرعه مدام حصلت يلي نحبهاا ونموووت فيهاااا( غمزلها)
جنان ( شهقت وشافت فواز يلي شاد ضحكته وقفت بعصبية واحراج) : انت هييي
ربيع: خيرك معصبه هههه بجد نحبببببك ونمووت فيك
فواز( وقف وشاد ضحكته) : خشينا ع القوي نطلع ونخليكم
جنان( بخوف) : هييي وين طالع
فواز: عاادي خطيبك وولد عمك تفاهموا ع راحتكم( طلع)
جنان( لحقاته) : هي هي استنا
فواز( لفلها بعصبية) : خشيي احسن ما انادي فتحي
جنان( بخوف) : شن بنقعد معاه بروحنا
فواز: ههه عادي عادي مش ياكلك هو وتره فكيني منك قعمزي تفاهمي معاه والا قسم نكلم فتحي يجي يوريك( مشى )
جنان( ولت وقعمزت وهي منزلة راسها)
ربيع( بحنية) : جنان
جنان( بعبره) : ربيع افهم انا مانبيش الخطبه ولا موافقه عليها هما ماشاوروني
