الحلقة {74}
.
.
تغريد( خاااافت من نظراته) : ر ر رضا
رضا( ضربها كف باقوى ماعنده ) : تااااافهااااااااا
تغريد ( طاحت من قوة الكف وحطت ايدها ع خدها تستوعب يلي صار )
رضا( قعمز قدامها بعصبيه ) : انت ماتثوبي ابدا فوق يلي صار قعده تكرري ف اغلاطك ناوية تنعدمي ع تصرفاتك علاااااش علاااش اديري هكا قووولي ؟ فوق ماهو خطب وخلاص انت قعده ف جرته تجري شن تبي منه شننن تسحابيه بيرجع يخطبك ولا عيالك بيوافقوا لااا وهو رجع لخطيبته كان يحبك راه مارجعلها وسيبك .. انت خيييرك ماتستوعبي اه خيرك تجري علي مايحبك وخانك كم مرة ومخليا يلي ميت فيك
تغريد( وايدها ع خدها .. بسخرية ) : من ميت عليا انت ؟؟
رضا( ضغط ع ايده بغضب وسكت)
تغريد( بصراخ) : انت لا عاد تدخل مش كرهتني مش معاش اطيقني خلااص انت نسيتني علاش تو تدخل فيا
رضا( شد ايدها بعصبيه ) : لا تنسي انت بنت خااالي عرضي وشرفي مستحيل نخليك تشوهي سمعت العيله
تغريد( تتألم من مسكته) : ايي حووول
رضا ( بعصبيه) : لما تكلمي واحد خااااطب ورفضوه قبلها عيالك هنا بندخل ونقتلك حتى القتل
تغريد( بعدت ايدها عنه ووقفت وهو وقف بعصبيه) : اي نكلم فيه ونحبه ونموت فيه ومش مسيباته انت ماليكش دخل لا تدخل خلاااص مش تبي تخطب وحده مش من العيله برى اخطب اخطب وريحني
رضا( ضرب ايده ع الشجرة يلي ورى تغريد بغضب ) : قسم بالله ياتغريد لو سمعت ان علاقتك مع هذا انس قاعده وقسم بالله موتك ع ايدي والخطبه بنخطب باش نرتاح منك ونريحك مني للابد ( اشر ع قلبه بالم ) : الحق ف قلبي هذا قعد يحبك
تغريد( انصدمت ) : قعد تحبني
رضا( ضحك بهزوة) : وشن تسحابي سهل ننساك ف يوم وليله ( ضرب جهه قلبه) : هنا انت ف القلب ياتغريد وديما تطعني فيا ولا مرة حسيتي انا المجنون اناااا ( قرب منها وهي وخرت لين الشجرة يلي وراها ومصدومه منه وخايفه ..قرب منها بهمس مرير ) : ولله نحبك ونعشقك ونموت ف هواك لكن انتي للاسف مش مقدرة هالشيء ( بعصبيه) : لتو تحبي شخص مش مقدرك وطعنك كم مرة .. ( بعد عنها بالم) : من اليوم انسى شخص اسمه رضا لاني خلاااص بننساك بنمشي نقول لامي تخطبلي وانتهت قصه تعذيبي يلي فزتي فيها ( لف ومشى ووقف بدون مايلف) : ودعتك لله ياتغريد ربي يرعاك من كل شي يابنت خالي ( همس بكلمه ماسمعتها تغريد ومشى)
تغريد( قعمزت وتمنت تناديه تلحقه تقوله لا تمشي لا تخليني لا تخطب يلي كلمته هو فواز مش انس تبي تقول يلي ف خاطرها تبي تقوله نحببببك نحببببك حتى لو متأخر الاحساس بس حسيت بيه وبيك .. قعمزت واتكت ع ركبيها وسندت وجها وهي تهز بثوثر تحس الدمع يحرق عيونها بس ماقدرت تبكي حست بحد واقف قدامها رفعت عيونها بفرح لانه رجع وماتخلاها لكن تلاشى اخر امل ليها لما لقت انه فواز نزلت رجليها ونزلت راسها )
