الحلقه{26}
.
.
تغريد( طلعت البرى من الباب الخلفي للحوش تحس بضييق وبشي يخنقها .. قعمزت تبكي رفعت راسها لما حست حد واقف قدامها ).
رضا( كان يتكلم بانقال وسمع صوت بكاء لف وشاف وراه لقى وحده مقعمزة قرب و انصدم لما عرف انها تغريد قفل النقال وقرب اكثر منها وهي حست بحد رفعت راسها بصدمه) : خير تغريد شن صاير؟؟
تغريد( نزلت راسها وقعدت تبكي)
رضا( قعمز قدامها ع ركبته والتانية مرفوعه شوي بحنان) : تغريد ادعيله بالرحمه وربي يصبرك عليه
تغريد( تبكي وماقدرت تسكت)
رضا( بحزن) : تغريد تربحي ولله قلبي يوجعني عليك
تغريد( بعبره) : اخطاني تربح
رضا( بحنان) : ولله مانقدر نخطاك الا لما نطمن عنك
تغريد( رفعت راسها وهي تبكي) : نحس بضيييق ف صدري ناار شغلت داخله
رضا( وجعه قلبه عليها عمره ماشافها ف هذه الحاله ) : حبيبتي ريت الضيق فيا ولا فيك
تغريد( نزلت راسها وتبكي)
رضا: تغريد خلاص تربحي ولله قلبي بيتقطع عليك
تغريد( بعبره) : نبي فواز تربح ناديه
رضا ( تنهد ووقف ومشى بعد عنها رفع نقاله واتصل سمع نغمه نقال فواز قريبه لف ولقاه جاي لتغريد .. ماحب يخلي فواز يشوفه لانه بيعصب منه قعد واقف مدرق بعيد عنهم)
فواز( قعمز جنبها بضيق) : قلي ربيع انك طلعتي مضايقه بسبب كلمته وماتوقعت نشوفك ف هالحاله وين تغريد القوية
تغريد( رفعت راسها وشافتله ووبدت تشهق من البكا ) : فواز قلبي يوجع فيا نبي نموت
فواز( قرب و حضنها بقوة .. وهي تمسكت فيه وزاد شهيقها..عارف ماشي يهديها الا هالشي .. ع قوته يضعف قدام دموعها ..تغريد غاليا عليه وهي قريبه منه اكثر من اي حد.. هما اولاد عم وخوت وكأنهم توأم يحملون مشاعر كثيره لبعض .. ماتحمل دموعها دمعوا عيونه ووجعه قلبه عليها)
رضا( يشوفلهم وقلبه يوجع ع منظرها كيف تبكي ف حضن فواز كانها طفله صغيره .. تمنى لو كان مكان فواز ف هاللحظه ويواسيها هو .. لف وبعد عنهم مايقدر يتحمل وجع فيها )
فواز ( بغصه ف حلقه) : تغريد خلاص لامتى بتقعدي هكا
تغريد( بعدت عنه ومسحت دموعها ونزلت راسها) : مانقدر يافواز مانقدر ننساه تمنيت نقله قبل موته اني نحبه وهو اغلى شخص عندي ف حياتي ماقدرت ولله ماقدرت نقوله
فواز( مسح دمعه نزلت غصب عنه بحنان ) : هو يعرف انك تحبيه ومعروف عندنا الاخت والاخو مايعترفوا بحبهم لبعض وكلمه نحبك لخوك ولا اختك عيب عندنا لكن هذا مايعني ان مانحبوهم احنا نحبوهم بس من عزت نفسنا مانعترفوا بيها لبعض
