الحلقه[47]
.
.
تغريد( نزلت من السيارة وشافت لفواز من الروشن) : خش تغدى معانا
فواز: لا بنمشي
تغريد( اتكت ع الروشن) : هالايام انت بديت معش ادور شن قصتك !
فواز: لا ولله معقوول معش ندورك غير لاهي الحق
تغريد: اا
فواز: زعلتي ؟
تغريد: الليل تعال انت وجنان تعشوا هنا ولا نزعل
فواز: هههه تم خلاص
تغريد: سلامتك تو
فواز: سلام
تغريد ( دخلت ومشت لدار وحطت كتبها رن نقالها.. لقاته رقم غريب ماردت حطت النقال وخدت دبشها ومشت بدلت ولما رجعت لقت رنتين ورساله فتحت الرساله لقت مطتوبه
{السلام عليكم .. تغريد كيف حالك ؟ ردي عليا ضرووري}
استغربت من هالرقم ؟؟ رن تاني قعدت متردده ترد او لا
..
..
عند صهيب ( يستنى فيها امتى تنطق وتتكلم )
ناريمان: انا
صهيب: خليك مش ضروري تو تجاوبي فكري قبل .. انا راني جاد معاك ومش امتع علاقات .. نبي رايك بس بعدها نخطب طول
ناريمان: اسفه
صهيب( انصدم) : كيف؟
ناريمان: دور ع وحده غيري تنفعك
صهيب( بزعل) : فكري قبل
ناريمان: مانبي نفكر ابدا وصلني للحوش
صهيب: به فهميني علاش رافضه
ناريمان( لفت تشوف لطريق ) : لان ف شخص ف حياتي
صهيب( لف بحزن ف صوته) : الله يهنيكم
ناريمان( حست بغصه في قلبها ) : تسلم وسامحني
صهيب( حرك الباص بغصه) : ولا يهمك كل شي بالنصيب (وصلها لحوشهم وشافها وهي نازله لين دخلت للحوش ومشى حاااس انه مضاااااايق وموجووووع خسر حتى هالمرة وكم مرة خسر ولتو مالقاش البنت يلي تحبه ويلي بتقدره)
..
..
تغريد( شاده النقال وتفكر من زعمك يلي متصل فيها ردت ) :الو
صوت شخص: السلام عليكم
تغريد( حست بخوف من يلي متصل فيها) : من؟
صوت : انا وسيم
تغريد( استغربت ) : ا اهلا
وسيم : الحمد لله ع سلامتك
تغريد : لله يسلمك
وسيم : اسف اتصلت الحق خديت الرقم من نقال امي
تغريد ( مستغربه ) : خير ف شي ؟
وسيم: نبي نسالك ع وحده
تغريد: وحده ؟؟
وسيم : بنت خالتك يلي تروح مع ندى وخلود
تغريد: اا
وسيم: عرفتيها؟؟
