الحلقه { 39}
.
.
وئام: هذه حبيبة انس
تغريد( انصدمت ولفت للبنت )
وئام: سألت عليها وحده تعرف كل الاولاد هنا وتعرف من يبو وقالت ان انس يبي هالبنت
تغريد( تشوف للبنت ) : شن اسمها
وئام: اسمها مرام .......
تغريد: تعالي نمشولها
وئام( مستغربه ) : علاااش تمشيلها
تغريد: بنشوفها ونتعرف عليها
وئام: كييف تتعرفي عليها توقعتك بتنجرحي و تقعدي تبكي
تغريد: ههه لا علاش بننجرح ولا بنبكي اسمعي وئومه انا صح انجرحت من انس لكن قسمااا ماعاد يهمني شي وانا نبي نعرف من حبيبته وكيف تصرفاتها وكلامها ونبي يعرف انس ان الموضوع مازعجني ابدااا ولا هامني بعده عني
وئام: ولله انك روووعه
تغريد: هيا نمشوا نسلموا عليها
وئام: به شن بتقوليلها
تغريد: ههه مش عارفه المهم هيا قدامي تو يجي الكلام بعدين ( مشوا جهه البنت وكلما تقرب تحس دقات قلبها تزيد وفضولها يزيد قربت منهم ..) : السلام عليكم
الثلاثه : وعليكم السلام
تغريد( سلمت عليهم وقعدت تشوف في البنت يلي يحبها انس.. **جسمها معبي وطويلة ووجها مدور وسمرة شوي وعيونها سود متوسطات فمها صغير ** وابتسمت وهي تشوفلها) : عفواا انتم سنه اولى قسم ....؟
مرام: اي
تغريد( ابتسمت) : حلووو نبي نسالكم عندنا بحث وانا نبي المنهج منكم ( قعدت تشرحلهم وهما قالولها تو يعطوها المنهج وهي ماكانت مركزه الا ع مرام حبيبه انس ..بعدها سلموا عليهم ومشوا يضحكوا ) : ههههه جوو عليهم يسحابوا حق نبي بحث هههه
وئام: ع من تخطر هالخطه باش تشوفيها ديما
تغريد: هههه اي ونديرهم صاحباتي باش كلما يجي انس يشوفني معاها هههه
وئام: ههه وعلاش تبيه يشوفك معاها ولا تبي تربكيه
تغريد: هههه لا بس نبيه يعرف انه ماجرحني ولا عبرته ويلي يبيعني بالرخيص نبيعه بالبلاش ( شافت اريام مقعمزه بروحها) توأمي نشوف ارومه ونجيك
وئام: تو عندي محاضره تو نتلاقو
تغريد: اوكي( مشت لاريام سلمت عليها وقعمزت جنبها ) : خيرك بروحك
اريام: صاحباتي يكلموا ف الدكتور .. حق بنسألك شن القرارات يلي امس صارت في حوش جدي ؟
تغريد:من قلك
اريام: خلود قالتلي وندى خليتها تبكي ولله حرام يلي قرروه
تغريد: ربي يعين ..
