الحلقه(37)
اليوم التالي اخر يوم في الامتحانات
رهف( في الطريق مع تغريد) : هذا يلي قاله
تغريد( مصدووومه) : معقول مها هكا
رهف: مش مصدددقه ابدا ولله مامصدقه مهااا تطلع هكا
تغريد: وانت شن ناوية اديري
رهف: مش عارفه ولله محتارة كيف يعني بنواجهها ولا بنخليها ونمشي ولا شن اندير
تغريد( عصبت ) : قلها لعند هنا وانتهت صداقتنا لامتى بتقعدي متواصله معاها
رهف( سكتت لين وصلوا وكل وحده افترقت عن التانية .. قعمزت تقرا ف الامتحان قبل تدخل شافت مها جايتها حاولت تبين انها طبيعيه )
مها( سلمت براس اصابعها ) : ها شن صار في احمد ؟؟
رهف: مها احمد قال ايهاب انه مالقاهش بعدين نحس في احمد امتع بنات وعلاقات
مها( بعصبيه) : كذااااابه
رهف: ولله حق واضح عليه بعدين مرة قلتلك قالت تغريد شافاته يكلم في بنت
مها( بعصبيه) : انت وبنت خالتك كذاااباااات لانكم خسرتوا يلي تحبوهم تبو تكذبوا عليا لكن تو نوصل فيه ونوريكم ( مشت )
رهف( تنهدت اففف علاش ماقلتلهاش يلي قاله ايهاب ليا خيرني انا مانبي نصدق انها خاينه بس كييييف كيييف نصدق وانا وهي 7 سنين صحبه كييييف؟؟؟
..
..
ربيع ( من الصبح يحاول يتصل بجنان بس ماترد مشى لحوشهم قالت جدته انها في الكلية عندها امتخان ولبسيف مشت وماقرت شي .. وقالتله انها متأثره هلبااااا .. مشى للكلية ووقف قدامها واتصل بيها ماردت عليه كلم فتحي ) : اهلا اسمع كلم جنان قلها تطلع انت البرى
فتحي: كييف كييف مافهمت شن تقول ؟؟ امنين بتطلع ؟ كيف نقلها انا البرى
ربيع: هههه ياودي انا برى من الكلية ونتصل بيها نبيها تطلع نروح بيها
فتحي: هي هي من سمحلك تمشيلها وتروح بيها
ربيع: راااجلها عندك مانع
فتحي: هههه لا لا ماعندي مانع تم تو نقلها تطلع
ربيع: قلها جايك بسيارة ربيع باش تركب طول وماتعرب مني
فتحي: ههههه لاعبها صح تم خلاص
ربيع: هههه سلام ( صكر وقعد يستنا شافها طلعت ادور ع السيارة شافتها ونزلت راسها ومشت لسيارة وهو مبتسم عليها لانها ما انتبهت من فيها )
جنان( فتحت الباب وركبت) : السلام عليكم
ربيع: وعليك السلام
جنان( فزت وشهقت وشافتلها) : اهييييئ
ربيع: ههههه سلامتك
