رائِحة الذّكرى تلتصقُ دائمًا بكلِّ الأشياء ،
بكلَّ الأماكِن ، بكلِّ الأشخاص .... لا نسيان يُجدي معها ولا تناسِي
بعد مرور اسابيع
ف حوش الخوال [الخالات وبناتهم مجتمعين]
رهف: حلوو ولله من زمان انا خاطري نكون معلمه
منار: شن الجو يلي فيها تعب ودوشه ووووك بدات كان صغااار
تغريد" ابتسمت: بالعكس ولله حلوووو التدريس
وتغيير جو خير من الكساد
جودي : اي ولله صادقه انا غير راجلي ماخلانيش نشتغل كان هذا خير مانقعد ف الحوش
ناريمان: لا لا خير الحوش انا غير اسامه يبيني نكمل قرايتي وحالف عليا كان هذا لا نمشي ولا نقص خطوة غادي
نورة : انا كان نلقى نبطل من تو .. غير نتزوج ماني قاريتها يحلف ولا مايحلف
راما : هههه تطمني سليم ما اظن يخليك تقري
تغريد: ع اساس فتحي متفتح خيرك ماتخدميش
راما : لا لا مانبيييش نخدم حاليا المهم شهادتي ف ايدي وقت نحتاجها نستخدمها
روان: انت تو زيطي ف الخدمه بس تتزوجي تحلمي بيها لان باين حظك زي حظنا يجيك واحد يقلك شدي الحوش وقعمزي
تغريد : هههه ف احلامه يكون بعدين انت صهيب هاهو مخليك تقري
روان: نقرا بس الخدمه قال لا الا لو مدرسة خاصه بعدين انت الراس هذا لمصكر تو يجيك من يكسره قال ف احلامه قال
رهف: ههههه امييين
تغريد" بغيض: تو نشوفوا بعدين وهذا اذا تزوجت اصلا "وقفت"
روان: شن زعلتي!
تغريد : هههه اكيد لا صح راسي مصكر بس قلبي ابيييض مانزعلش
منار: يلعن الثقه يلي عندك
تغريد : هههه بنمشي نرفع الشاهي لجدي "طلعت ومشت للكوجينه شوي وخشت جودي "
جودي : هاتي نعاونك ف شيء
تغريد : لا لا ارتاحي " رفعت الشاهي وطلعوا البرى "
جودي : الجو البرى احلا نقولو للبنات نطلعو نقعمزو هنا
تغريد : اي حلوه التقعميزه هنا.. حق شن قالولك بنت ولا ولد
جودي : احتمال بنت
تغريد: ان شاء لله تجيبي بنت حلوة زيك "لفت ع صوت خطوات "
رامي " رفع عيونه وشافلهم"
تغريد" لفت لما سمعت خطوات لقت جودي تمشي داخله للحوش لفت لرامي يلي واقف تنحنحت: كيف حالك
رامي" نزل عيونه: بخير جدي قعد
تغريد: اي ف المربوعه " قعدت واقفه لين قرب منها وشافلها مستغرب من وقوفها ارتبكت ومدتله الصفره: الشاهي جدي
