يـسـألـونـي گـيـف #حـالـگ ! ﭑقـول بـخـيـر !!
ويـهـمـس جـرحـي ب آلـخـفـٱ #يـٱ گـذبـگ💔
تغريد" طلعت من الدار بعد مامسحت دموعها وحاولت تقوى روحها"
منار: وينك ندور عليك .. خالتي بكري قالت انك مريضه
تغريد: اي جايتني الكبد
منار: لاباس عليك
تغريد: ماتاري باس
منار: وتو كيف حالك
تغريد: لا تمااام الحمد لله
منار: كويس هي نرجعوا للبنات دايرات جو
تغريد" مشت وراسمه ع وجها ابتسامه زائفه"
رجعوا للبنات وقعدو يدربكو ويغنوا
تغريد" بهمس: روان
روان: نعم
تغريد: حق شن اسمها العروس
روان: ههههه معقول ماتعرفيش اسمها
تغريد" ابتسمت بهزوة: ماخطر ف بالي نسأل
روان: قصدي تو نغنوا عليها وع رضا ماركزتي ع الاسم
تغريد" بهدوء: شن اسمها؟
روان: تهاني
تغريد" سرحت بعيد : تهاني ت ه ا ني
يعني حرفها T زي حرفي يعني الحرف يلي شفته ف غرفه النوم حرفها هي ما حد يأكد اته حرفي ؟؟ هههه ولا من حظ رضا ان الحروف مثل بعضها !! تهاني .. تغريد .. ياهو حسن حظ ولا سووء حظ .. اه يارب فوت هالليله ع خير
..
بعد العشاء بدو الكل يلبسوا ف عباياتهم بيمشوا لحوش امالي العروس ..
[{ احنا ف منطقتنا نسمو فيهم (الهرابات) نقصدو السيارات يلي يمشوا مع العريس يجيبو العروس .. يمكن يفوت عدد السيارات حتى 50 سيارة بين الاهل والاقارب والاصحاب والجيران يعني كلا حسب معارفه .. }]
خلود" طلعت من الدار : هيي تغريد
تغريد" وقفت ولفتلها: نعم
خلود: شن مالبستيش عبايتك هيا قريب يجو
تغريد: مش ماشيه
خلود" قربت منها: تي يابارده بري نغيرو جو
تغريد" سكتت اذا مامشت فالكل بيستغربوا ويمكن يشكوا لان حالها مش طبيعي اليوم .. واذا مشت بتتألم اكثر 💔 قررت تعفس ع مشاعرها وتمشي: اوك
خلود: ايواا باش تحجزيلي مكان بنمشي معاك
تغريد: هههه قولي انت تبي مكان مش تعزمي فيا
خلود: عارفتيني ديما وانا لاصقه لله غالب عليا مافيش من يرفعني
تغريد" بخبث: قريييب تتزوجي ويرفعك حبيب القلب سمسوووم
