همس العيون للكاتبه وميض اليل
الحلقه(( 24))
.
.
.
رن الجرس لبست وشاحها وكانت لابسه بدي وقونه فتحت الباب وانصدددمت ويلي قدامها ابتسسم
اريام( عصبت ،، اووف شن جابه تو هذا)
فواز( مبتسم صدفه خير من الف ميلاد) : كيف حالك
اريام ( من غير نفس) : تمام
فواز : وانا تمااااااااام التماااااام
اريام: كان تبي رضا مهناش وبويا مش قاعد
فواز( ابتسم) : مدام مهناش نبي عمتي
اريام: تو اناديها ( لفت وخشت)
فواز : ههه انحبهااا
.
.
اريام ( خشت لامها ف الدار مريضه راقده) : يما فواز يبيك
الام: قله يخش مش قادرة نطلع
اريام : يما فكيني قولي لوحده من بناويتك
الام : خواتك رقدو
اريام : اووف
الام( بعصبيه) : اطلعي لولد خالك قله يخش بلا تأفف
اريام: باااه ( طلعت وهو طول ابتسم بدون نفس) : خش تبيك الداخل ( خشت وخلاته واقف)
فواز : ههههه ( خش ) : عمتي
ام رضا : خش هاني ف الدار الوسطيه
فواز ( خشلها وسلم عليها وقعد يهدرز )
اريام ( ف الدار ) : اووف شن تو جابه هالمصيبه ولله نكرهاااا ( سمعت امها تناديها ) : اوووه تو تبيني نمشيلها واااك مانبي نقابل وجها ( مشت لدار ) : نعم يما
فواز( اوووه واخيراا جيتي لعندي ولله جاي ع خاطرك وانت تتهربي)
الام: ديري شاهي لفواز
فواز : لا عمتي مانبي نتعبكم انا ماشي عندي مشوار
الام: اقعد حتى لطاسه شاهي .. اريام بري سخنيله
اريام: يما بالك حق مستعجل واحنا الشاهي تم منا
الام ( تشوفلها بغيض) : بري صبي عصير
اريام( شافت بغيض لفواز يلي يبتسم ولفت بغضب ومشت)
فواز( هههههه قاااعدلك مدام تلزي فيا هههه )
اريام( دارت عصير وعطتهوله ومشت حطت الشاهي ع الناس لان امها اشرتلها تطيب ولين طاب وعطتهوله وهو قعد مقعمز ) : اوووف مش ع اساس مستعجل شن يبي نخبزله العيش باش يمشي اوووف
.
.
عند البنات
جودي ( بهمس لتغريد بعد طلعت راما) : تغريد علاش بكري ترفسي وتحذفي ف الدوة
تغريد: هههه خيرك انت متحشمه ولله طول يبان ع وجهك
جودي( بغيض) : معش تتكلمي عليه ومعانا راما عارفه هي توأمه والكلام كله يوصل ليه
