الحلقة ( 72)
..
..
روان( خشت ورى امها وهي متفكر ف رامي اكيد انصدم من الخبر ونذمت انها ماقالتله قبلها بس كانت تتوقع انه سامع ومش مدور لانه مايحبش جودي غير هكا بالجو مدايرها .. سلمت ع البنات ومشت لجودي وسلمت عليها وباركتلها ومشت قعمزت جنب البنات )
جودي( تشوف لروان بهمس لتغريد) : شفتيها حتى سلامها كان مرخي اكيد تفكر اني خنت خوها
تغريد( تنهدت) : ياجودي انسى معش ادققي ع شي
جودي ( بالم ) : راما
راما( خشت تسلم وقربت من جودي وبوستها ) : مبااارك وبطول عمرك وربي يهنيك
جودي( نزلت منها دمعه حااارة بعبره) : يسلمك
راما( ابتسمتلها) : علااش تبكي
جودي : انا اسفه ولله غص
راما( حطت ايدها ع فم جودي) : اسسس ناس هنا وزحمه وما ادوريش عارفه مش بايدك والدنيا نصيبات وربي يهنيك ويعوضه هو
جودي( حست بفرح ان راما عاذرتها بدات ان هي تعرف قداش رامي يحبها .. وتدعي ان رامي يعذرها لان هالشي غصب عنها مش بايدها )
..
..
عند الشباب ف مربوعه فواز
فواز : تي هي 3 خاطبين ولا واحد ناوي يزوج
صهيب : انا لين نكمل قرايتي وياريتني من زمان قاري كان هذا مكملها
فواز : هههه عاد عمي محمد وافق يخطبلك لكن العرس لبعد ماتكمل
سليم : شكلنا بنتزوجوا قبلهم ههه
فواز : اووه سليم شن شكلك ناوي
سليم( ابتسم) : ولله الوالده قابضه تبي تخطبلي وبيني وبينكم يالله نجرب خلي تنحل العقده
مصعب : هههه اي جرب واخطب تو تنحل من اول حرف ههههه
فواز : انا خلاااص السبت بنخطب
مصعب : واااو اخيراااا
صهيب : مبااارك من تو
فواز : احم احم يبارك فيكم
سامي : غير اصبر شن تبارك مرات مايوافقوش عيالها
فواز( حذفه بالمخده) : فال لله ولا فالك انت ان شاء لله تخطب ومايوافقوا عليك
سامي ( شد المخده ) : هههه لا لا بيوافقوا باصم ب10
مصعب : اضرب يا من هذه يلي بتخطبها وباصم ب10 انهم بيوافقوا
سامي( ارتبك) : اه
صهيب وفواز شادين ضحكتهم
مصعب : شن اه داس عليا وانا صاحبك المقرب
فواز : اكيد خايف تقف ف وجه خطبته هههه
سامي( شاف لفواز بغيض)
