الحلقه { 35}
.
.
فواز( خش يجري للمربوعه وهو دهشان ومخلوع ) : عمــي
الكل شافوا لفواز بخــوف
العم( انخلع ): خير شن صار
فواز( داهش ومش قادر يتكلم)
ربيع( بخوف): فواااز تكلم شن صار
جنان( حطت ايدها ع قلبها تحس بخوف مش طبيعي)
فواز( بصوت متقطع) : امـ ـ ـ ـي
جنان( وقفت بخوف) : امي خيرها تكلمم فواز قووول
فواز( يبكي) : خشيـ ـت انـوض فـ فـيها لـ لقيها ماتتحرك ولا فيها نـ نفس
الكل( وقفوا بصدمه وجنان شهقت بقوة)
فواز( بصوت بالكاد يقدر يطلعه) : امـ ــ ـي مــاتـ ـت
العم( قرب من فواز وشد كتفه وطلعه معاه)
ربيع( جاء طالع اذكر جنان لفلها ومشالها بسرعه وقبل ما تطيح شدها بخوف) : جناااان جنااان باسم لله عليك نوضي جنااااان ( قعد ينوض فيها ): جنااان حبيبتي نوضي
جنان( فتحت عيونها وشافت لعيونه يلي ادمعوا ) : ربيع امي ماتت !!
ربيع( غمض عيونه مش قادر يواجهها)
جنان( بدت تبكي بقوة) : امييي لااا ولله مانقدر نعيش بلاها ااااه ربيييع امييي ماااتت
ربيع( ضمها بقوووة باش يهديها)
جنان( ضاماته بقوة وتبكي) : ااااه يمااا لاا تمووتي لااا مانقدر نتخايل انها بتموت ولله مااانقددر
ربيع( ماقدر يتحمل دمعوا عيونه) : قولي لا اله الا الله اذكري لله حبيبتي
جنان( بعدت عنه وتبكي ) : ربيع امي مااتت سندي مااتت كيف بنعيش قلي كييف قبل شوي كنت معاها عطيتها دواها ماحسيت انها تعبانه هلبا ماحسيت انها بتموت لو حسيت كان ماجيت هنا وخليتها اااه ربيع امي خلاص راحت معش بنشوفها ولا نسمع صوتها ربيع امي هذه سامع اميي ماااتت ( بدت تبكي ترعش )
ربيع( ضمها مرة تانية وماقدر يقول شي خلاها تبكي ع صدره ويتمنى يدخلها داخله .. وقفها وسندها وطلع بيها ..
لقى الكل البرى مجتمعين نسون ورجالا واكل يبكوا ..جوها نساوين عماهما وبناتهم ويتغمضوا فيها ويبكوا وهي تبكي بقوة وربيع ماقدر يتحمل بكاها ركب سيارته ومشى )
خبر صدم الكل كيف فجأة تموت كيف ماحسوا ان هالمرض مرض الموت كيف ماحد لاحظ دبولها ف هذا الشهر
تغريد( اول ماسمعت الخبر من معاذ خوها لبست عبايتها ومشت تجري لحوش عمها يلي بعدين عنهم وانصدمت لما شافتهم كلهم البرى يبكو خشت للحوش تجري شافت خلود وندى متغمضين بعض ويبكوا ونساوين عمامها يبكوا مشت لدار ووقفت مصدووومه لما شافت فواز وجنان جنب امهم ويبكوا خشت عندهم وقعمزت جنبهم تبكي)
