الحلقه{ 33}
...
اليوم التاني العشيه في المستشفى
مصعب( مقعمز بحدا مروان على السرير) : ولله منظرك مربط من كل جيهة يفلق ضحك ههههه
مروان( كشم) : تمسخر انت واياه مش هاممني الحمد لله اني عايش
صهيب: هههه صحيح اهم شي فيك نفس
مروان( يتكلم بتعب) : ياواشين وين فواز ماجاش؟؟
مصعب( بعصبيه) : شن بدير بيه امتع المقالب البايخه قريب رحت فيها بسببه
رضا: اي مجنووون هذا مايشعف ابدا
سليم: بالفعل مقالبه ديما قوية
صهيب( مش فاهم شي) : من امس وقولوا كله من فواز ومقلب ومش عارف شن بالله صار
الكل( سكتوا يشوفوا لبعض)
مروان( بربكه) : اه هو كان
طق الباب وخشوا وسيم وتوفيق
.
.
عند راما
طالعه البرى ف السور وشاده النقال ومتردده) : نتصل ولا لا .. جنان عطتني رقمك وقالت يبي نكلمه .. بنتصل وخلاص( اتصلت )
فتحي: الووو
راما( تحس قلبها يدق بقوة هذه اول مرة ف حياتها تكلم ولد )
فتحي: الووو من معاي
راما: الس السلام عليكم
فتحي: وعليك السلام من معاي
راما( بلعت ريقها) : انا راما
فتحي: من راما!!
راما( انصدمت شن هذا مايعرفني ولا غالطه ف الرقم ولا يتسهوك)
فتحي: قلتلك من راما
راما: راما راما
فتحي: ههههه عارف مالا راما مسعوده ههههه قصدي من راما نعرف هلبا بهذا الاسم اما وحده انت
راما( بخوف وصدمه) : انت فتحي؟؟
فتحي: اي انا فتحي حمد عبدالعزيز
راما( عصبت) : مالا كيف تقلي اما وحده ؟؟ انت شن تعرف بنوت هلبا .. ولا ناسي انك خاطب وخطيبتك اسمها راما ..طلعت ع حقيقتك يعني تعرف بنات
فتحي: هههههه
راما( بعصبيه) : شن يضحك فيك عاجبك تتفاخر بالرامات يلي تعرفهم
فتحي: ههههه يانعلي من الغيره ما اتحمل
راما( سكتت وتحس حرارة ترتفعلها)
فتحي: هههه ياقلبي انت انا لا نعرف بنات ولا بحياااتي كلمت بنت غيرك
راما( بتردد) : يعني
فتحي: هههه يعني اني نجس في نبضك ومن اول مارنيتي عرفتك لان الرقم عندي هههه حزارة هههه
