الحلقه{30}
.
.
.
تغري( قعمزت بعد ماسلمت ع ام انس وهي تحس بحرارة في كل جسمها وقلبها ينبض بقوة وشعور داخلها ماتعرف تعبر عنه .. في داخلها) : امه تشبها بس هو احلى ااخ انس هذا جوابك ليا امك طول وخطبه لله❤❤❤❤
ام انس( تشوف لتغريد ومبتسمه) : ماشاء لله عليك ربي يحفظك ويرعاك
تغريد( احمروا خدودها من الخجل)
ام انس: ولد قابضني من مده وانا ولله كل يوم بنجيكم يصير ضرف والمده يلي فاتت توفت قريبه لينا
ام تغريد: عظم لله اجركم
ام انس: شكر لله سعيك .. ولله يا اختي ام محمود ولدي ع كثر مايحكي ع عائلتكم لين حببني فيكم هو احنا صح جيران ونعرفوا بعض لكن هالوقت الجيران زي الاغراب ماعادت جيرة زي زمان
ام تغريد: اي صادقه
ام انس: وان شاء لله قريب نبدوا اقارب لان ولدي مستعجل وقال مايبي الا تغريد( شافت لتغريد وابتسمت )
تغريد( تحشمت ووقفت وطلعت من الدار خشت للحمام اكرمكم لله وغسلت وجها وشافت روحها ف المراية وابتسمت وهي تحط ايدها ع قلبها) : ااه اه ياقلبي بنموووت قلبي ينبض بقوة معقول انس مكلم امه عليا وقابض من فترة ااااخ واخييرااا جا جوابك يا انس واخيرااا طلعت تحبني وبتخطبني ❤💓💘💗 ااخ ولله فرحااااانه( بخت وجها بالميه وطلعت قعمزت ف الدار وتحس قلبها يدق بقوة مش مصدقه ان انس جا يخطب فيها)
.
.
.
سليم( بصوت عالي) : وســــــــــــــم انتبه قدامك بنت
وسيم( شاف قدامه وبسرعه حاول يوقف السيارة قبل ماتضرب البنت لكن فات الاوان وضربت السيارة البنت والاثنين انـــصـــــــدمـــوا )
وسيم( انصدم) : البنت
سليم( بخوف) : انزل شوفها ( فتح الباب ونزل)
كانوا ف طريق فرعيه ومافيها سيارات
وسيم( نزل وهو خايف ليكون ماتت البنت بسببه ..مشى بسرعه وشافها مقعمزة لوطى وشاده رجلها .. نزل لمستواها وجلس ع ركبته والتانية مرفوعه بخوف) : انت بخير
رفعت راسها وشافتله
وسيم( لما شافها شد ايدها حاول يساعدها توقف جمد وهو يشوفلها عيونها الوساع لونهم عسلي فمها الصغير وجها المدور نسى نفسه وهو يشوفلها .. وهي تشوفله)
سليم: اختي فيك شي
وسيم( انتبه ع نفسه وهي بسرعه بعدت ايدها عنه ومسكت ف السيارة ووقفت بصعوبه .. وهو وقف): ااه انت بخير طمنيني
منار( رفعت عيونها وشافتله وهي ترعش من الخلعه و بسيف قدرت تتكلم بصوت خافت) : اي بخير
وسيم: ولله ما انتبهت عليك والحمد لله ع سلامتك
منار: لله يسلمك ( لفت بتكمل طريقها)
