سيتم توقيف الرواية✋
الي اشعار اخر✋
وذالك بسبب الشك ف مصدقيتي
ومصدقية الرواية
للاسف لاول مرة نتشجع وانزل رواية من 10 روايات عندي وننصدم ف الناس وتفكيرهم
مع ان عندي كلام واجد لكن السكوت افضل 😔
انا حبيت نعلن هذا الشيء هنا لان واجد مايتابعوا ف قروبي ع الفايبر ولا يعرفوا شن صار
لذالك ماحبيت تستنوني ع الفاضي
الايام يلي فاتت كانت نفسيتي شوي تعبانه لذالك اسفه ع عدم الرد ع الردود
وانا نقرا ف الرد اول ماترسلوه طول يطلعلي تنبيه ونقراه
وشكرااا ليكم
ولكل من دعمني
ان شاء لله بنرجع بعد نرتاح وبعد نريح اعصابي
لان بجد بعد تكذيبي ف مصداقيه الرواية ومصداقيتي معش نتحمل حتى التفكير ف هالشيء
لان مش اول مرة تصيرلي كل مده يطلع شخص يبي يهدم كل شي
ونقولكم كل يوم تأخرت فيه عن تنزيل الحلقات يعني فيه شخص او رساله ع القروب ضايقتني وعصبتني
واعتذر منكم مرة اخرى
ان شاء لله نكملها لكن امتى لله اعلم
يوم يومين ثلاثه اكثر مانعرفش
لكن اكيد مش مطوله عليكم كلها ايام ولو قعدت حية بنرجعلكم
وبارك لله فيكم
ونحبكم ف لله🌹
وهذا يلي اخر شي كتبته بنرسله واقروه 👇
الحلقه (70)
.
.
مر اسبوع الاول من الامتحانات
تغريد( تخطت الازمه والضيق يلي حساته لما سمعت ان انس رجع خطيبته .. بدت تدعيله بالخير وقررت تنساه نهائيا وتبتعد عن اي شيء يذكرها بيه)
جودي( حالتها الصحية والنفسيه متدهورة وتعبت هلبا ف الامتحانات حتى الاجابة كانت اقل بهلبا من مستواها .. وتزيد سوء كلما تشوف رامي او تسمع صوته وبدات كان حاول يكلمها وهي تتهرب منه باش ماتبكيش قدامه)
رامي( كان مستغرب من تصرفات جودي حتى انه حاول يفهم منها شن صاير بس للاسف مافهم شيء )
رضا( كل وقته ف العمل ويشغل ف نفسه بكل شيء .. قليل ماحد يشوفه)
والباقي مكرسين جهدهم في الامتحانات
..
..
يوم السبت صباحا
تغريد( ركبت في السيارة معاه ) : صباح الخير
فواز : صباح النور
تغريد: مفروض في الامتحانات كل يوم تجيني ترفعني
فواز : ههه تدللي بس.. عاد اخر سنه
تغريد : هههه شن تجاوب ؟
