💕همس العيون💕
للكاتبه :وميض اليل
الحلقه{ 25}
.
.
جودي( كيف جايه للكلية قابلها رامي وابتسملها .. وهو اذكرت منظرها هذاك اليوم وتحشمت ونزلت راسها) : ووووك الحشمه اكيد يتفكر ف الموقف يلي صار بينا ومنظر بوشتي الطايره
رامي( يشوفلها وهي تمشي ومنزلة راسها ويضحك ف خاطره) : هههههه ولله مانقدر ننسى اللقطه ابدا ههههه مسكنه تتهرب مني من هداك اليوم ههههه
.
.
ف حوش ابو فواز
كانت بروحها ف الحوش رن الجرس لبست وشاحها وطلعت وانصدمت فيه
ربيع( ابتسم بحب) : كيف حالك( مد ايده)
جنان( من الخلعه سلمت عليه ) : ب بخير
ربيع( قعد شاد ايدها ) : دوووم ياااارب
جنان ( تحاول تبعد ايدها عنه)
ربيع( شافها كيف متحشمه طلق ايدها) : وانا بخيييير
جنان( بضيق) : ماهناك حد راه خوتي مش قعدين وامي ف حوش جدي
ربيع : هههه عارف مالا لاش جاي انا
جنان( بصدمه) : مصحك عارفهم وجاي هنا
ربيع: ههههه خيرك عادي حوش عمي وانتي زوجتي ( غمزلها)
جنان( بعصبيه) : برى احسنلك
ربيع: هههه لا مشتاق لك ونبي نشوفك
جنان( بعصبيه) : شفتني توكل
ربيع: هههه ولله قويه هذه انا نبي نهدرز عليك وانت تقولي توكل
جنان( بغيض) : وانا مانبيش
ربيع: انت خيرك طول الوقت مانبيش مانبيش
جنان( بعصبيه) : اي مانبيش ومانبيك افففهم
ربيع: هههه بس انا نبيك نبي نهدرز معاك هي نخشوا ف المربوعه
جنان( فنصت عيونها ) : مجنوون انت شن تسحاب روحك وين عايش
ربيع: هههه عايش ف قلبك ياقلبي هههههه
جنان( بغيض) : برى احسنلك قبل ماانادي فتحي يعدمك
ربيع: هههه لا فتحي ولا غيره عنده كلمه عليا يامرا انا رااااجلك افهمييي مافيها اي عيب نشوفك ونهدرزو
جنان( بغيض ) : وانا مانبييش ومش فااهمه وبرى خير لك
ربيع: اوك تو نمشي لجدي وعمي محمد ونقلهم يعجلوا ف عرسنا ( لف )
جنان ( بصدمه) : هي هييي شن يعجلو اه انا مش موافقه
ربيع( لفلها وضحك) : هههه ومن بياخد شورك ف هذه مدام ف يلي فات ماخدو شورك
جنان( دمعوا عيونها عارفاته يديرها) : تربح ربيع ولله مانبي تو تربح قسم بالله ماني متعوده عليك لين تو مش مستوعبه الفكرة انت نحسك زي خوتي
