تغريد( كانت مقعمزة في الدار ومعصبه )
فواز( خش ) : يوووه زعلاانه
تغريد( انخلعت منه ) : اهئئ انت شن خاش طول
فواز: ههههه حوش عمي وانتم خواتي شن فيها.. هيا مش قلتي واتية وين عبايتك
تغريد: خلاص ماصارش مش ماشيه
فواز: ووه غضبتي
تغريد: لا ماغضبتش برى لجماعتك
فواز: غضااابه
تغريد( عصببت) : ماغضبتش بس طاااارت النية
فواز : لا غضبتي معقول لتو تصرفاتك زي الصغار تغضبي
تغريد: مانغضبش بس انت طيرت النية
فواز: لا غضبتي وااضح عليك
تغريد( بعصبية) : ماغضببببتش
فواز: انا بنستناك 10 دقايق وكان ماجيتيش معناها غضااابه وقعده بيبي ( طلع وهو يبتسم )
تغريد( وقفت بعصبية ومشت تلبس وطلعتله هي ومنال وركبوا في السيارة)
فواز( ابتسملها) : تو عرفت انك مش غضابه
تغريد( بغيض) : حرك السيارة مانبيش نعطلك ع جماعتك
فواز( حرك وهو يضحك عارف كيف يتصرف معاها)
&&&&&&7
في اليل في حوش خوال تغريد
تغريد: اوووه كساااد لا طلوع ولاشي خاااطري ندير زيهم نطلعو وندهورو ف الاسواق
راما: لله غالب حياتنا وعاداتك هكا
جودي: وجينا ف منطقه ممنوع طلوع البنوت بروحهم
روان: ومتشدديييين
نريمان: وحزارييين زي نوري
الكل : ههههه
تغريد: شن رايكم كسره فيهم نطلعو نزردو بروحنا
رهف: كيف بروحنا
تغريد: بنات بسس لا خوت ولا امات ولا حد
نريمان : غير احلمي من بيخلينا
تغريد: غصصصب عنهم نطلعوو ومن وراهم كان زنت ف راسي
جودي : ياريت نقدرو
تغريد: انتم بس خلوها سرر ونوعدكم نديرها
نريمان: صدقت البنت غير احلمي بس
تغريد: تي ولله ولله لما نديرها وقولو تغريد قالت
رهف: ماتعرفوش تغريد اكثر مني كان حطت شي في دمغها اديره
راما: نعرفوو والسبب لراسها لمسكر هو فواز يلي مايرفضلها طلب
تغريد: ياااارب احفظه لياا يااارب
