الحلقه {{14}}
تغريد ( رجعت للبنات وهي تضحك)
خلود: شن صار معاك
تغريد: نجيييييييت منهم بسبب عمي محمد هههه ولله الخوف منه ينفع هههه
البنات : ههههههههههه
{{انتهت الزرده والكل روحوا تعبانين ورقدو ع طول}}
تغريد( رن قالها جنبها فتحت عيونها بتعب وردت) : الووو
فواز: شن راقده ؟؟
تغريد: وحتى نحلم
فواز: ها ها ها مش وقت برادتك
تغريد: بجد كنت راقده
فواز : غروده تربحيييي قوليلي من تحب اريام ولله ماقدرت نرقد ونرتاح تربحييي
تغريد: فواز باللهي عليك تو مش وقته انا بنمووووت من التعب غدوة نهدرزو
فواز : خليك غرودة تربحي قوليلي من هو بس.. ولله مامداير شي بس نعرف هو من .. قوليلي تربحيييي .. نبي نعرفه من هو .. وكيف عرفاته .. وعلاش تحبه.. هو احلى مني ولا لا .. شخصيته احسن من شخصيتي ولا كيف حباته ... قوليييله نبي نعرفه ولله .. هيي تغريد وينك... غرودة .. تغريييد شن رقدتي ... هييي ( عصب) : تو يبااانلك به به( سكر الخط)
تغريد: ههههههه خليك اليل اكله وانت تفكر ههه
.
.
.
في اليوم التالي
فواز( مقعمز قدام حوشهم ويتصل بتغريد نقالها مقفل عصصب منها ) : تو يبانلها
ربيع( جاه) : خيرك معصب
فواز : من اختي
ربيع: هههه اكيد تغريد لان جنان مستحيل تعصبك
فواز: اييي الاثنين عكسس بعض وحده هديوة لين فات الحد القط ياكل عشاها وماتقدر تاخد حقها حتى من عيل .. والثانية شريييرة لين فات الحد ولا بني ادم قادر عليها
ربيع: ههههه الله يعينك عليهم .. صح ماقلتلك
فواز: شن؟؟
ربيع( ابتسم وداير روحه متحشم) : انا انا قررت نخطب
فواز: ههههه ومن تعيست الحظ يلي بتوافق عليك
ربيع: انت يلي تعيس الحظ بروحك
فواز( تنهد) : ولله صادق انا تعيس حظ .. قول قول من هي
ربيع: اختك
فواز ( بصدمه) : اختي من
ربيع: هههه عندك اختين اكيد وحدة منهم
فواز ( ضحك) : ههههه قلتلي قبل مانفتح فمي وندم خواتي اكيد تو تراجعت عن الخطبه
ربيع: هههه تطمن نحبهاا حتى ولو سبيتها
فواز: ههههه اطلع يا صار تحب اختي ( دار روحه معصب) : هيييي احترم نفسك شن تقول فيها هكا قدامي تحبها احنا ماعندنا بنات للحب
